10 Oct,2025

ကံမမြို့နယ် ဆုံကုန်း-အလပ်လယ်-ရှားစေးဖို-ရှမ်းကွင်း-အင်ဘတ်တောကျေးရွာချင်းဆက်လမ်း ကျောက်ချောခင်းခြင်းလုပ်ငန်း ရာနှုန်းပြည့်ပြီးစီး

************************************************************************

ကံမ   အောက်တိုဘာ    ၁၀

          မကွေးတိုင်းဒေသကြီး၊ သရက်ခရိုင်၊ ကံမမြို့နယ်ကျေးလက်လမ်းဖွံ့ဖြိုးရေးဦးစီးဌာနက ၂၀၂၅-၂၀၂၆ ဘဏ္ဍာနှစ်၊ ပြည်ထောင်စု (ငွေလုံးငွေရင်း)ရန်ပုံငွေဖြင့် ဆုံကုန်း-အလပ်လယ်-ရှားစေးဖို-ရှမ်းကွင်း-အင်ဘတ်တောကျေးရွာချင်းဆက်လမ်းကျောက်ချောခင်းခြင်းလုပ်ငန်း ရာနှုန်းပြည့်ပြီးစီးမှုအခြေအနေများကို အောက်တိုဘာ ၉ရက် နံနက်ပိုင်းက တာဝန်ရှိသူများ ကွင်းဆင်း စစ်ဆေးခဲ့ကြောင်း သိရသည်။

ထို့သို့ ကွင်းဆင်းစစ်ဆေးရာတွင် ကံမမြို့နယ်ကျေးလက်လမ်းဖွံ့ဖြိုးရေးဦးစီးဌာန ဦးစီးအရာရှိ(မြို့ပြ) ဒေါ်အေးနန်းထွေးနှင့် တာဝန်ရှိသူများက ဆုံကုန်း-အလပ်လယ်-ရှားစေးဖို-ရှမ်းကွင်း-အင်ဘတ်တောကျေးရွာချင်းဆက်လမ်း ကျောက်ချောခင်းခြင်းလုပ်ငန်း ဆောင်ရွက်ပြီးစီး မှု အခြေအနေများကို ကြည့်ရှုစစ်ဆေးပြီး ကျေးရွာငါးရွာမှ တာဝန်ရှိသူများနှင့်တွေ့ဆုံကာ လိုအပ်သည်များ မှာကြားခဲ့သည်။

အဆိုပါ အရှည်ပေ တစ်မိုင်၊ အကျယ် ၁၆ပေ၊ အမြင့် ခြောက်လက်မရှိ ဆုံကုန်း-အလပ်လယ်-ရှားစေးဖို-ရှမ်းကွင်း-အင်ဘတ်တောကျေးရွာချင်းဆက်လမ်း ကျောက်ချောခင်းခြင်းလုပ်ငန်းကို ပြည်ထောင်စု (ငွေလုံးငွေရင်း)ရန်ပုံငွေကျပ်သန်း ၁၆၀ဖြင့် ကျေးလက်လမ်းဖွံ့ဖြိုးရေးဦးစီးဌာနက ဇွန်လ တတိယပတ်မှစ၍ စတင်အကောင်အထည်ဖော်ဆောင်ရွက်ခဲ့ရာ ယခုအခါ လုပ်ငန်းများအားလုံး ရာနှုန်းပြည့်ဆောင်ရွက်ပြီးစီးနေပြီဖြစ်သည်။

အဆိုပါ ကျေးရွာချင်းဆက်လမ်း ဖောက်လုပ်ပြီးစီးခြင်းကြောင့် ကျေးရွာငါးရွာရှိ ဒေသခံပြည်သူများအတွက် လမ်းပန်းဆက်သွယ်ရေး အဆင်ပြေစွာ သွားလာနိုင်ပြီဖြစ်ကြောင်း သိရသည်။

ဆက်လူ