10 Jul,2026

ပင်လောင်း ဇူလိုင် ၁၀

ရှမ်းပြည်နယ်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ပင်လောင်းမြို့နယ် နိမ့်ခမ်းလယ်ယာနှင့် အထွေထွေစီးပွားရေးသမဝါယမအသင်းလီမိတက်၏ ၂၀၂၅-၂၀၂၆ ဘဏ္ဍာရေး နှစ် အရပ်ရပ်ဆိုင်ရာအစည်းအဝေးကို မြို့နယ်သမဝါယမအစည်းအဝေးခန်းမ၌ ပြုလုပ်ခဲ့ကြောင်း သိရသည်။

အစည်းအဝေးတွင် မြို့နယ်သမဝါယမဦးစီးဌာန ဦးစီးအရာရှိ ဒေါ်နန်းဆိုင်မွန်းနှင့် မြို့နယ်သမဝါယမအသင်းစုဥက္ကဋ္ဌ ဦးစိုင်းနော်ခမ်းတို့က အမှာစကားပြောကြားပြီး ၂၀၂၅-၂၀၂၆ ဘဏ္ဍာရေးနှစ်အတွက် လုပ်ငန်းအစီရင်ခံစာနှင့် ရှေ့လုပ်ငန်းစဉ်များကို အသင်းဝင် နန်းငြိမ်းငြိမ်း ကလည်းကောင်း၊ နှစ်ချုပ်ဘဏ္ဍာရေးရှင်းတမ်း၊ အမြတ်ခွဲဝေမှုစာရင်းများနှင့် အသင်းသား စာရင်းစစ်အစီရင်ခံစာများကို အသင်းဝင် စိုင်းအူခမ်းကလည်းကောင်း  ဖတ်ကြားသည်။

ထို့နောက် အသင်းအမှုဆောင်အဖွဲ့မှ တင်ပြသည့် အသင်းစည်းကမ်းပြင်ဆင်ခြင်းနှင့် ပတ်သက်၍ နိမ့်ခမ်းလယ်ယာနှင့် အထွေထွေစီးပွားရေးသမဝါယမအသင်းဥက္ကဋ္ဌ ဘဘာပတိ ဦးစောကိုကြည် မှ အသင်းသားများ၏ သဘောဆန္ဒများကို ရယူအတည်ပြုပြီး အစည်းအဝေး ရုပ်သိမ်းလိုက်ကြောင်း သိရသည်။

မြို့နယ်ပြန်/ဆက်

ရှမ်းပြည်နယ်