ကုန်ထုတ်လုပ်မှုလုပ်ငန်းဆောင်ရွက်သည့် သမဝါယမအသင်းများ၏အခြေအနေ

ကုန်ထုတ်လုပ်မှုသမဝါယမအသင်းများ၏ အသင်းအမျိုးအစားအလိုက် လုပ်ငန်းဆောင်ရွက်မှု အခြေအနေမှာ အောက်ပါအတိုင်း ဖြစ်ပါသည် -

စိုက်ပျိုးထုတ်လုပ်ရေးသမဝါယမအသင်းများသို့ ချေးငွေထုတ်ချေးခြင်းလုပ်ငန်း

လယ်ယာစိုက်ပျိုးရေးကဏ္ဍတွင် တိုင်းဒေသကြီး/ ပြည်နယ်များရှိ စိုက်ပျိုးထုတ်လုပ်ရေး သမဝါယမအသင်းနှင့် လယ်ယာနှင့် အထွေထွေစီးပွားရေး သမဝါယမအသင်းများ၏ အသင်းပိုင်/ အသင်းသားပိုင် လယ်ယာမြေများတွင် စပါး၊ ဂျုံ၊ ပြောင်းဖူးစေ့၊ မြေပဲ၊ နှမ်း၊ နေကြာ၊ ဂုံလျှော်၊ ပဲမျိုးစုံအပါအဝင် သီးနှံမျိုးစုံစိုက်ဧက (၃၈၆၈၃၅.၄၉)ဧကကို စိုက်ပျိုးထုတ်လုပ် အကောင်အထည်ဖော်ဆောင်ရွက် လျက်ရှိရာ ၎င်းအသင်းသားများ၏ စိုက်ပျိုးထုတ်လုပ်ကုန်ကျစရိတ်များကို အသင်းသားများ၏ အစု၊ စုဆောင်းများ အပါအဝင် အသင်းပိုင်/အသင်းအချင်းချင်း ပံ့ပိုးငွေဖြင့် အောက်ပါအတိုင်း ဆောင်ရွက် ပေးလျက်ရှိပါသည် -

• တိုင်းဒေသကြီး/ ပြည်နယ် (၆) ခု

• မြို့နယ်ပေါင်း (၉၄) မြို့နယ်

• အသင်းပေါင်း (၄၈၅၃) သင်း

• အသင်းသားဦးရေ (၂၇၇၆၇၁) ဦး

• ထုတ်ချေးငွေပေါင်း (၄၂၈၅၀.၈၀၂)ကျပ်သန်း

စိုက်ပျိုးရေးသမဝါယမအသင်းသားများအား ချေးငွေထုတ်ချေးနေပုံ

စက်ကိရိယာရောင်းချခြင်းလုပ်ငန်း

အသင်းသားများစိုက်ပျိုးရာသီအချိန်မီ စိုက်ပျိုးနိုင်ရေးအတွက် အသင်းသားတောင်သူများက စက်ကိရိယာများဝယ်ယူရာတွင် ငွေတစ်လုံးတခဲတည်းပေးချေရန် အဆင်မပြေသည့်အတွက် သမဝါယမစနစ်ဖြင့် အရစ်ကျ Hire Purchase စနစ်ဖြင့် စက်ကိရိယာ များကို အောက်ပါအတိုင်း ရောင်းချဆောင်ရွက်ပေးနိုင်ခဲ့ပါသည် -

• တိုင်းဒေသကြီး/ ပြည်နယ် (၁၅) ခု

• မြို့နယ်  (၂၈၀) မြို့နယ်

• အသင်း  (၁၂၇၉၄) သင်း

• အသင်းသား (၄၈၃၉၃)ဦး

• စက်ကိရိယာ (၆၄၂၃၀) စီး

• ပံ့ပိုးငွေ (၁၁၀၀၃၅.၈၄၂) ကျပ်သန်း

• 

 

လယ်ယာမြေအဆင့်မြှင့်တင်ပြုပြင်ခြင်းလုပ်ငန်း

သမဝါယမအသင်း/ အသင်းသား လယ်ယာမြေများ ဖွံ့ဖြိုးတိုးတက်ရေးအတွက် လက်မှု လယ်ယာစနစ်မှစက်မှု လယ်ယာစနစ်သို့ ကူးပြောင်းနိုင်ရန်အတွက် လယ်ယာမြေများ အဆင့်မြှင့်တင်ပြုပြင်ခြင်းလုပ်ငန်းဆောင်ရွက်မှုအနေဖြင့် အောက်ပါအတိုင်း ပြုပြင် ဆောင်ရွက်ပေးနိုင်ခဲ့ပါသည် -

• တိုင်းဒေသကြီး/ ပြည်နယ် (၁၅) ခု

• မြို့နယ် (၁၈၇) မြို့နယ်

• အသင်း (၁၄၅၀) သင်း

• အသင်းသား (၁၉၇၂၉) ဦး

• ဧက (၈၉၆၃၃.၆၀) ဧက

• ပံ့ပိုးငွေ (၂၆၃၃၀.၅၇၃) ကျပ်သန်း

 

သွင်းအားစုများ ပံ့ပိုးခြင်းလုပ်ငန်း

သမဝါယမအသင်းသားတောင်သူများသို့ စိုက်ပျိုးရေးလုပ်ငန်းအတွက် အသင်းသား များလိုအပ်သော သွင်းအားစုများကို မြို့နယ်အသင်းစု၊ အသင်းစုချုပ်များ၏ ပံ့ပိုးချေး ငွေဖြင့် (၆)လ (၁)ကြိမ် အရင်းအတိုးဆပ်စနစ်ဖြင့် အောက်ပါအတိုင်း ဖြန့်ဖြူးရောင်း ချပေးနိုင်ခဲ့ပါသည် -

• တိုင်းဒေသကြီး/ ပြည်နယ် (၆) ခု

• မြို့နယ် (၆၈) မြို့နယ်

• အသင်း (၃၇၉) သင်း

• အသင်းသား (၁၃၀၅၀) ဦး

• သဘာဝမြေသြဇာ/ မြေသြဇာ (၄၃၃၈၉) အိတ်

• မျိုး(၄၃၃၈၉)အိတ်

• ပိုးသတ်ဆေး (၇) ပုလင်း

• ပိုးသတ်ဆေး(၁၁၆)လီတာ

• ပံ့ပိုးငွေ (၁၄၀၃၈.၄၀၈) ကျပ်သန်း

မျိုးစေ့ထုတ်သမဝါယမအသင်းများ၏ လုပ်ငန်းဆောင်ရွက်မှု

မျိုးစေ့ထုတ်သမဝါယမအသင်းများသည် အောက်ပါအတိုင်း မျိုးစေ့ထုတ်လုပ်ငန်းများ လုပ်ကိုင်ဆောင်ရွက်လျက်ရှိပါသည် -

• တိုင်းဒေသကြီး/ ပြည်နယ် (၁၁) ခု

• မြို့နယ်  (၂၈) မြို့နယ်

• အသင်း  (၃၈) သင်း

• အသင်းသား (၅၂၉) ဦး

• မျိုးစေ့ထုတ်ဧက(၁၃၆၈) ဧက

• ပံ့ပိုးငွေ (၁၆၄.၃၆၉) ကျပ်သန်း

  • နိုင်ငံ့စီးပွားမြှင့်တင်ရေး (၆၅.၂၆၄)ကျပ်သန်း

  • အသင်းပိုင် (၈၁.၁၀၅) ကျပ်သန်း

  • သက်တန့်ရောင်ထောက်ပံ့ငွေ(၁၈.၀၀၀)ကျပ်သန်း

မွေးမြူရေးကုန်ထုတ်သမဝါယမအသင်းများ

ငါးကုန်ထုတ်သမဝါယမအသင်းများ၏ လုပ်ငန်းဆောင်ရွက်မှု

မွေးမြူရေးကုန်ထုတ်သမဝါယမအသင်းများအနက် တိုင်းဒေသကြီး/ပြည်နယ် (၇)ခု၊ မြို့နယ်(၉)မြို့နယ်တွင် သမဝါယမအသင်း(၂၁)သင်းမှ အသင်းပိုင်/ အသင်းသားပိုင် မွေးမြူရေး ကန်/ အင်း (၈၃၂)ကန်နှင့် အကျယ်အဝန်း (၂၅၉၈.၅၆)ဧကတို့အနက် ငါးမွေးကန်(၃၈၃)ကန်နှင့် အကျယ်အဝန်း (၁၁၃၃.၅၀)ဧကတို့ တွင် အောက်ပါအတိုင်း ငါးအမျိုးမျိုး မွေးမြူဆောင်ရွက် လျက်ရှိပါသည်- 

• တိုင်းဒေသကြီး/ ပြည်နယ် (၇) ခု

• မြို့နယ် (၉) မြို့နယ်

• အသင်း (၁၂) သင်း

• ကန် (၃၈၃) ကန်

• ကန်/အင်းအကျယ်ဧက (၁၁၃၃.၅၀) ဧက

• မွေးမြူသည့်ငါးအမျိုးအစား (တီလားဗီးယား၊ ငါးမြစ်ခြင်း၊ ရွှေဝါငါး၊ ငါးဒန်၊ ငါးမုတ်၊ ငါးမျက်ဆံနီ၊ အသားဝါငါး)

ထို့ပြင် မွေးမြူရေးသမဝါယမအသင်းများမှ ကြက်၊ ဝက်၊ ဘဲ၊ ဆိတ်၊ နွား စသည်တို့ မွေးမြူလျက်ရှိပြီး မွေးမြူရေးကုန် ကျစရိတ်များကို အသင်းသားများ၏ အစု၊ စုဆောင်းများအပါအဝင် အသင်းပိုင်/ အသင်းအချင်းချင်းပံ့ပိုးငွေဖြင့် အောက်ပါ အတိုင်း လုပ်ငန်းဆောင်ရွက်လျက်ရှိပါသည် -

• တိုင်းဒေသကြီး/ ပြည်နယ် (၁၄) ခု

• မြို့နယ်ပေါင်း (၁၅၄) မြို့နယ်

• အသင်းပေါင်း (၂၄၄၈) သင်း

• အသင်းသားဦးရေ (၁၃၉၀၈၀) ဦး

• ထုတ်ချေးငွေပေါင်း (၉၇၆၆.၇၅၉) ကျပ်သန်း

  

ကုန်ထုတ်သမဝါယမအသင်းများ

စက်မှုကုန်ထုတ်သမဝါယမအသင်းများ၏လုပ်ငန်းဆောင်ရွက်မှု

စက်မှုလက်မှုလုပ်ငန်းဆောင်ရွက်နေသော သမဝါယမအသင်းများမှ စက်မှု လက်မှု လုပ်ငန်းငယ်များ ရင်းနှီးငွေများရရှိစေရန်ရည်ရွယ်၍ ငွေစုငွေချေး လုပ်ငန်းဆောင်ရွက်ပြီး (၃၀-၄-၂၀၂၆)ရက်နေ့အထိ လုပ်ငန်းဆောင်ရွက်မှု အခြေအနေမှာ အောက်ပါ အတိုင်းဖြစ်ပါသည်-

• တိုင်းဒေသကြီး/ ပြည်နယ် (၉) ခု

• မြို့နယ် (၃၅) မြို့နယ်

• အသင်း (၇၄) သင်း

• အသင်းသား (၄၈၄၅) ဦး

• အစုငွေ (၅၁.၉၂၈) ကျပ်သန်း

• စုဆောင်းငွေ (၂၅၄.၂၆၃) ကျပ်သန်း

• ထုတ်ချေးငွေ (၁၂၇၃.၁၂၅) ကျပ်သန်း

 

စက်ရုံအလုပ်ရုံလုပ်ငန်းများဆောင်ရွက်မှု

စက်မှုလက်မှုကုန်ထုတ် သမဝါယမအသင်းပိုင် စက်ရုံ/အလုပ်ရုံ(၃၈)ရုံမှ ဆန်စက်လုပ်ငန်း၊    ဆီစက်လုပ်ငန်း၊   စက္ကူလုပ်ငန်း၊  ရက်ကန်းလုပ်ငန်း၊ နှမ်းအခွံချွတ်လုပ်ငန်း၊ အထည်ချုပ်လုပ်ငန်း၊ ရေခဲ လုပ်ငန်း၊ နို့ဆီလုပ်ငန်း၊ မီးခံအုတ်လုပ်ငန်း၊ ဆပ်ပြာလုပ်ငန်း၊ ငါးလုပ်ငန်း၊ ကျောက်ပြားလုပ်ငန်း၊ ဝါစက်လုပ်ငန်း၊ တံမြက်စည်းလုပ်ငန်း၊ သကြားထုတ်လုပ်ခြင်းလုပ်ငန်းစသည်တို့ကို လုပ်ကိုင်လျက်ရှိပြီး ထွက်ရှိလာသည့်ပစ္စည်းများကို တိုင်းဒေသကြီး/ ပြည်နယ်အတွင်းရှိ အသင်းသားပြည်သူများအား ရောင်းချပြီး (၃၀-၄-၂၀၂၆) ရက်နေ့အထိ စက်မှုလက်မှုလုပ်ငန်းများ အကောင်အထည်ဖော် ဆောင်ရွက်မှု အခြေအနေမှာ အောက်ပါအတိုင်းဖြစ်ပါသည်-

• တိုင်းဒေသကြီး/ ပြည်နယ် - ၁၀ ခု

• မြို့နယ် - ၃၁ မြို့နယ်

• အသင်း - ၃၇ သင်း

• စက်ရုံ - ၃၈ ရုံ

• ထုတ်လုပ်သည့်ပစ္စည်းများ - ကချင်(မဝတ်)လုံချည်၊ ဆန်၊ နှမ်း အခွံချွတ်၊ မြေပဲဆီ/မြေပဲဖတ်၊ ရေခဲ၊ ကြွေမြေမီးခံအုတ်၊ ကျား/မကလေးဝတ်အထည်၊ ကျောက်ပြား၊ ဆပ်ပြာမှုန့်/ဆပ်ပြာခရင်မ်၊ နို့ဆီ၊ နို့မှုန့်၊ နှမ်းဆီ/နေကြာဆီ/မုန့်ညှင်းဆီ၊ ချည်ထည်များ၊ သကြား၊ တံမြက်စည်း၊ ငါးအေးခဲ

ကချင်ပြည်နယ်၊ မြစ်ကြီးနားမြို့၊ မနောဧရာရက်ကန်းကုန်ထုတ်သမဝါယမအသင်း

ကျေးရွာတစ်ရွာထုတ်ကုန်တစ်ခု (One Village One Product)လုပ်ငန်း ဆောင်ရွက်မှု အခြေအနေ

စက်မှုလက်မှုကုန်ထုတ်သမဝါယမအသင်းများအနေဖြင့် လူမှုစီးပွားဘဝဖွံ့ဖြိုး တိုးတက်စေရန်နှင့် မိသားစုစားဝတ်နေရေးအတွက် တစ်နိုင်တစ်ပိုင် အိမ်တွင်းမှုလုပ်ငန်းများ ဆောင်ရွက်ရာတွင်မိမိတို့မြို့နယ်အတွင်းရှိကုန်ကြမ်းများရရှိမှုနှင့် ငွေကြေးအရင်းအနှီး ပေါ်မူတည်၍ ဝါးခမောက်လုပ်ငန်း၊ ယက်ကန်းလုပ်ငန်း၊ ဂျုံရိုးဦးထုပ်လုပ်ငန်း၊ ဝါးကုန် ထုတ်လုပ်ငန်း၊ပလက်စတစ်ကြိုးဖြင့်ပြုလုပ်သည့် ခြင်းတောင်းလုပ်ငန်း၊ တံမြက်စည်း လုပ်ငန်း၊ ထန်းဖြင့်ပြုလုပ်သည့်လုပ်ငန်း၊ သင်ဖျာလုပ်ငန်း၊ အိုးကုန်ထုတ်လုပ်ငန်း၊ ပန်းပဲလုပ်ငန်း၊ မုန့်လုပ်ငန်း၊ အိုးစည်လုပ်ငန်းနှင့် ယွန်းထည်လုပ်ငန်းများ ဆောင်ရွက်နေသည့် သမဝါယမအသင်းများရှိ အလုပ်သမား အသင်းသားများ၏ လူမှုစီးပွားရေး လိုအပ်ချက်များကို ဖြည့်ဆည်းပေးနိုင်ရန်ရည်ရွယ်၍ လုပ်ငန်းဆောင်ရွက်လျက်ရှိရာ (၃၀-၄-၂၀၂၆)ရက်နေ့အထိ လုပ်ငန်းဆောင်ရွက်မှုအခြေအနေမှာ အောက်ပါအတိုင်း ဖြစ်ပါသည် -

• တိုင်းဒေသကြီး/ ပြည်နယ် (၁၁) ခု

• မြို့နယ် (၄၂) မြို့နယ်

• အသင်း (၇၈) သင်း

• အသင်းသား (၂၉၅၂) ဦး

• အစုငွေ (၄၀၀.၈၅၆) ကျပ်သန်း

• ဆောင်ရွက်သည့်လုပ်ငန်း - ကချင်ရိုးရာ ကျားမဝတ်လုံချည်၊ ရှမ်းရိုရာဝတ်စုံ၊ ယော/ချင်းလုံချည်၊ ဝါးလက်မှုထည်ပစ္စည်းများ (ခမောက်၊ ကြိမ်ခြင်း)စားသောက်ကုန် ပစ္စည်းများ (ကော်ဖီ/ နို့ထွက်ပစ္စည်းများ၊ ပဲကြော်၊ ပဲလှော်၊ မလာရှမ်းကော၊ ယိုမျိုးစုံ၊ စွန်တန်ခြောက်/လက်ဖက်ခြောက်/ဓနိဖူးခြောက်၊ ပန်းသီး/ သစ်သီးဝိုင်၊ မျှင်ငပိ၊ ငါးခြောက်၊ နနွင်းမှုန့်၊ ငရုပ်ခွဲခြမ်းမှုန့်၊ အရောင်တင်မှုန့်)၊ နှီးဖြင့်ထုတ်လုပ်သော အိမ်သုံးပစ္စည်းများ(တောင်း၊ယပ်တောင်)၊ ခေါင်းအုံး၊ ဖက်လုံး၊ ဖယောင်းတိုင်၊ လက်သုတ်ပဝါ၊ တံမြက်စည်း၊ ရာဘာ၊ ဓား၊ ထီး၊ ရှမ်းစက္ကူ၊ ပြည်တောင်း၊ ကျောက်သင်ပုံး၊ စဉ့်ထည်)

နေပြည်တော်၊ပျဉ်းမနားမြို့နယ်၊သနပ္ပင်ဆိပ်(နောက်)ကျေးရွာ၊ ကျောက်စိမ်းဝေစိုက်ပျိုးထုတ်လုပ် ရေးသမဝါယမအသင်း၏ ကျေးရွာတစ်ရွာ ထုတ်ကုန်တစ်ခု (One Village  One Product- OVOP) လုပ်ငန်းမှ တံမြက်စည်း ထုတ်လုပ်မှု မှတ်တမ်းဓါတ်ပုံများ

ရွာလုလယ်ယာနှင့် အထွေထွေစီးပွားရေးလုပ်ငန်းသမဝါယမအသင်းလီမိတက်၏ လုပ်ငန်းဆောင်ရွက်မှုအခြေအနေ

မန္တလေးတိုင်းဒေသကြီး၊ ကျောက်ပန်းတောင်းမြို့နယ်၊ ရွာလုကျေးရွာရှိ ရွာလုလယ်ယာနှင့် အထွေထွေစီးပွားရေးလုပ်ငန်းအား(၃၀-၆-၁၉၉၃)ခုနှစ်တွင် ဖွဲ့စည်းခဲ့သည်။ အသင်းမှတ်ပုံတင် အမှတ်မှာ ခ-၆၃၅(လထ)ကျပတ ဖြစ်ပြီး အသင်းသား (၆၅)ဦးရှိသည်။ အသင်းမှ တောင်း၊ ဇကော၊ ဇကာတို့ ထုတ်လုပ်လျက်ရှိပါသည်။ (၁)လလျင် တောင်း၊ ဇကော၊ ဇကာ၊ အလုံးပေါင်း ပျမ်းမျှထုတ်လုပ်မှုအရေအတွက် (၄၁၀၀)ခု၊ တန်ဖိုးငွေကျပ်(၀.၆၁၅)သန်းနှင့် (၁)လလက်ကား ရောင်းချမှုအနေဖြင့် အရေအတွက် (၄၁၀၀)ခု၊ တန်ဖိုးငွေကျပ်(၀.၆၉၇)သန်း ရောင်းချဖြန့်ဖြူး နိုင်ခဲ့ပြီး လက်လီရောင်းချမှုမရှိပါ။

ရွာလုလယ်ယာနှင့် အထွေထွေစီးပွားရေးလုပ်ငန်းသမဝါယမအသင်းလီမိတက်၏ လုပ်ငန်းဆောင်ရွက်မှု

ရွှေရတီ(ငရုတ်)စိုက်ပျိုးရေးနှင့် အထွေထွေစီးပွားရေးလုပ်ငန်းသမဝါယမအသင်းလီမိတက်၏ လုပ်ငန်းဆောင်ရွက်မှုအခြေအနေ

မန္တလေးတိုင်းဒေသကြီး၊ သာစည်မြို့နယ်၊ သမန်းကျားကျေးရွာ၊ ငှက်မင်းကုန်း ကျေးရွာ အုပ်စုရှိ ရွှေရတီ(ငရုတ်)စိုက်ပျိုးရေးနှင့် အထွေထွေစီးပွားရေးလုပ်ငန်းသမဝါယမအသင်းအား (၂၄-၉-၂၀၂၃) ခုနှစ်တွင် ဖွဲ့စည်းခဲ့သည်။ အသင်းမှတ်ပုံတင်အမှတ်မှာ ခ-၇၂၆၆(လထ)သာစည် ဖြစ်ပြီး အသင်းသား(၁၃)ဦး ရှိသည်။ အသင်းမှ ငရုတ်သီးခွဲကြမ်းမှုန့်၊ ငရုတ်သီးအရောင်တင်မှုန့်နှင့် ငရုတ်သီး အလှော်မှုန့်တို့ ထုတ်လုပ်လျက်ရှိပါသည်။ (၁)လလျှင် ငရုတ်သီးခွဲကြမ်းမှုန့်၊ ငရုတ်သီးအရောင်တင်မှုန့် နှင့် ငရုတ်သီးအလှော်မှုန့်စုစုပေါင်းပျမ်းမျှအရေအတွက်(၉၆၀၀၀)ထုတ်၊ တန်ဖိုးငွေကျပ် (၁၂.၄၈) သန်းအား ထုတ်လုပ်နိုင်ခဲ့ပြီး  (၁)လတာအတွင်း ငရုတ်သီးခွဲကြမ်းမှုန့်၊ ငရုတ်သီးအရောင်တင်မှုန့်နှင့် ငရုတ်သီးအလှော်မှုန့် စုစုပေါင်းအရေအတွက်(၉၆၀၀၀)ထုတ်၊ တန်ဖိုးငွေကျပ်(၁၄.၄၀)သန်းအား လက်ကားဖြန့်ဖြူးရောင်းချနိုင်ခဲ့ပါသည်။

ရွှေရတီ(ငရုတ်)စိုက်ပျိုးရေးနှင့် အထွေထွေစီးပွားရေးလုပ်ငန်းသမဝါယမအသင်းလီမိတက်၏ လုပ်ငန်းဆောင်ရွက်မှု

ရွှေရတီ(ငရုတ်)စိုက်ပျိုးရေးနှင့် အထွေထွေစီးပွားရေးလုပ်ငန်းသမဝါယမအသင်းလီမိတက်၏ လုပ်ငန်းဆောင်ရွက်မှု

ရွှေရတီ(ငရုတ်)စိုက်ပျိုးရေးနှင့်အထွေထွေစီးပွားရေးလုပ်ငန်းသမဝါယမအသင်းလီမိတက်၏ လုပ်ငန်းဆောင်ရွက်မှု

နိုင်ငံ့စီးပွားမြှင့်တင်ရေးရန်ပုံငွေမှသမဝါယမဖွံ့ဖြိုးတိုးတက်ရေးဆောင်ရွက်လျက်ရှိသည့် အခြေအနေ

တိုင်းဒေသကြီး/ပြည်နယ်အစိုးရအဖွဲ့က ၎င်းတို့အစီအစဉ်ဖြင့်ဆောင်ရွက်သော နိုင်ငံ့ စီးပွားမြှင့်တင်ရေးရန်ပုံငွေ(သမဝါယမကဏ္ဍ)မှ ၂၀၂၆ ခုနှစ်၊ ဧပြီလကုန်ထိ တိုင်းဒေသကြီး (၄)ခုမှ (၂၄၆၅.၆)ကျပ်သန်း၊ ပြည်နယ်(၇)ခုအတွက် (၇၄၅၁.၁)ကျပ်သန်း၊ ကိုယ်ပိုင် အုပ်ချုပ်ခွင့်ရဒေသ(၂)ခုမှ (၁၇၉.၁၀)ကျပ်သန်း၊(၅၁)မြို့နယ်၊ အကျိုးပြုကျေးရွာ (၁၄၈)၊အသင်း(၂၇၄)သင်းရှိ အသင်းသား (၉၄၁၆)ဦးတို့အား စုစုပေါင်း(၁၀၀၉၅.၈၀) ကျပ်သန်းတို့ကို စိုက်ပျိုးရေးသွင်းအားစုနှင့် ထွန်ယက်စရိတ်ထောက်ပံ့ပေးခြင်းလုပ်ငန်း၊ မွေးမြူရေးလုပ်ငန်း၊ ကန်ထရိုက်လယ်ယာလုပ်ငန်း၊ ကျေးရွာတစ်ရွာ ထုတ်ကုန်တစ်ခု (OVOP) လုပ်ငန်း၊ ဆီစက်အဆင့်မြှင့်နှင့် ဆီကြိတ်ခွဲလုပ်ငန်းနှင့် ရာဘာလုပ်ငန်း စသည့် လုပ်ငန်းများအလိုက် ရန်ပုံငွေပံ့ပိုးဆောင်ရွက်ထားပါသည်။

ပြည်ထောင်စုဘဏ္ဍာရန်ပုံငွေမှ နိုင်ငံတော်ထောက်ပံ့ငွေ လူမှုစီးပွားမြှင့်တင်ရေး(သက်တန့်ရောင်)စီမံကိန်းဖြင့် စိုက်ပျိုးရေးလုပ်ငန်း၊ မွေးမြူရေးလုပ်ငန်းနှင့် စက်ကိရိယာလုပ်ငန်းများကို ဘဏ္ဍာနှစ်အလိုက် အောက်ပါအတိုင်း ပံ့ပိုးဆောင်ရွက် လျက်ရှိပါသည် -

 

စဉ်	ဘဏ္ဍာနှစ်	တိုင်းဒေသကြီး/ ပြည်နယ်	ပံ့ပိုးငွေ (ကျပ်သန်း)
			စိုက်ပျိုးရေး	မွေးမြူရေး	စက်ကိရိယာ	စုစုပေါင်း
၁	၂၀၂၃-၂၀၂၄	နေပြည်တော်	၁၂.၀၀၀	၁၁.၀၀၀		၂၃.၀၀၀
၂	၂၀၂၄-၂၀၂၅	နေပြည်တော်	၆၅၂.၁၇၄			၆၅၂.၁၇၄
		ဧရာဝတီ	၁၀၀.၀၀၀	၁၄၁.၄၀၀		၂၄၁.၄၀၀
	ပေါင်း		၇၅၂.၁၇၄	၁၄၁.၄၀၀		၈၉၃.၅၇၄
၃	၂၀၂၅-၂၀၂၆	နေပြည်တော်	၆၁၉.၈၀၀			၆၁၉.၈၀၀
		ပဲခူး	၂၈၁.၂၀၀			၂၈၁.၂၀၀
		မကွေး	၂၀၄.၆၂၄			၂၀၄.၆၂၄
		မန္တလေး	၁၁၇.၃၄၄	၁၀၀.၀၀၀	၁၅၀.၀၀၀	၃၆၇.၃၄၄
	ပေါင်း		၁၂၂၂.၉၆၈	၁၀၀.၀၀၀	၁၅၀.၀၀၀	၁၄၇၂.၆၉၈

နိုင်ငံ့စီးပွားမြှင့်တင်ရေးရန်ပုံငွေမှ ဧရာဝတီတိုင်းဒေသကြီးအတွင်း သမဝါယမဖွံ့ဖြိုးတိုးတက်ရေးဆောင်ရွက်လျက်ရှိသည့် အခြေအနေ

နိုင်ငံတော်ထောက်ပံ့ငွေဖြင့်လူမှုစီးပွားမြှင့်တင်ရေး စီမံကိန်းစိုက်ပျိုးရေးလုပ်ငန်းနှင့်သွင်းအားစု(မျိုး) ထောက်ပံ့ပေးခြင်းလုပ်ငန်းဆောင်ရွက်လျက်ရှိသည့်အခြေအနေ

နိုင်ငံတော်ထောက်ပံ့ငွေဖြင့် လူမှုစီးပွားမြှင့်တင်ရေးစီမံကိန်းစိုက်ပျိုးရေးလုပ်ငန်း နှင့် သွင်းအားစု(မျိုး)ထောက်ပံ့ပေးခြင်းလုပ်ငန်းများအနေဖြင့် ပြည်ထောင်စု နယ်မြေနေပြည်တော်တွင် မြို့နယ်(၈)မြို့နယ်၊ အသင်းပေါင်း(၁၃၂)သင်းမှ စိုက်ပျိုးရေးလုပ်ငန်းအတွက် ပံ့ပိုးငွေ(၆၅၂.၁၇၄)သန်းနှင့် ဧရာဝတီတိုင်းဒေသ ကြီးတွင် မြို့နယ်ပေါင်း(၆)မြို့နယ်၊ အသင်းပေါင်း(၆)သင်းမှ စိုက်ပျိုးရေး လုပ်ငန်းအတွက်ပံ့ပိုးငွေ(၁၀၀)သန်းနှင့်မွေးမြူရေးလုပ်ငန်းအတွက် မြို့နယ်(၈)၊ အသင်းပေါင်း(၈)သင်းမှ(၁၄၁.၄၀)သန်းအား ပံ့ပိုးဆောင်ရွက်ခဲ့ပြီးဖြစ်ပါသည်။

နိုင်ငံတော်ထောက်ပံ့ငွေဖြင့်လူမှုစီးပွားမြှင့်တင်ရေး စီမံကိန်းဆောင်ရွက်မှုမှတ်တမ်း(ဧရာဝတီတိုင်းဒေသကြီး)

နိုင်ငံတော်ထောက်ပံ့ငွေဖြင့်လူမှုစီးပွားမြှင့်တင်ရေး စီမံကိန်းဆောင်ရွက်မှုမှတ်တမ်း(နေပြည်တော်)

နိုင်ငံတော်ထောက်ပံ့ငွေဖြင့်လူမှုစီးပွားမြှင့်တင်ရေး စီမံကိန်းဆောင်ရွက်မှုမှတ်တမ်း(နေပြည်တော်)

ရွှေဖြိုးသာ စိုက်ပျိုးရေးနှင့် အထွေထွေစီးပွားရေးလုပ်ငန်းသမဝါယမအသင်း၏ စပါးကြိတ်ခွဲသန့်စင်စက် တပ်ဆင်ပြီးစီးမှု

စီမံကိန်းဆောင်ရွက်မှုမှတ်တမ်း(ပဲခူးတိုင်းဒေသကြီး)

စီမံကိန်းဆောင်ရွက်မှုမှတ်တမ်း(ပဲခူးတိုင်းဒေသကြီး)

စီမံကိန်းဆောင်ရွက်မှုမှတ်တမ်း(မကွေးတိုင်းဒေသကြီး)

စီမံကိန်းဆောင်ရွက်မှုမှတ်တမ်း(မကွေးတိုင်းဒေသကြီး)

နိုင်ငံ့စီးပွားမြှင့်တင်ရေး ရန်ပုံငွေ/ တိုင်းဒေသကြီး/ ပြည်နယ် ဘတ်ဂျက်မှ ပံ့ပိုးငွေ/  အသင်းပိုင်ငွေ များဖြင့် နွေစပါးစီမံကိန်းဆောင်ရွက်မှု

 ၂၀၂၅-၂၀၂၆ ဘဏ္ဍာရေးနှစ်တွင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၏ နိုင်ငံစီးပွားမြှင့်တင်ရေးရန်ပုံငွေ/ တိုင်းဒေသကြီး/ပြည်နယ်အစိုးရအဖွဲ့များ၏ နိုင်ငံ့စီးပွားမြှင့်တင်ရေးရန်ပုံငွေ/နိုင်ငံတော်ထောက်ပံ့ငွေ(သက်တန့်ရောင်)/အသင်းပိုင်ငွေများဖြင့် ဆောင်ရွက်လျက်ရှိသော နွေစပါးစီမံကိန်း ဆောင်ရွက်မှုများမှာ အောက်ပါ အတိုင်း ဖြစ်ပါသည် -

တိုင်းဒေသကြီး/ ပြည်နယ်  (၉) ခု

မြို့နယ်  (၉၆) မြို့နယ်

အသင်း (၃၉၆) သင်း

အသင်းသား (၁၂၅၉၂) ဦး

နွေစပါးစိုက်ဧက (၈၁၃၅၃.၃၄၄)ဧက

စိုက်ပျိုးပြီးဧက(၈၀၆၅၃.၃၄၄)ဧက

စိုက်ပျိုးရန်ကျန်ဧက(၇၀၀.၀၀)ဧက

ရိတ်သိမ်းပြီးဧက (၂၆၅၀၈) ဧက

(၁)ဧကပျမ်းမျှအထွက်နှုန်း (၁၁၁.၂၀) တင်း

ပံ့ပိုးငွေ (၁၉၅၅၀.၇၂၀) ကျပ်သန်း

နွေစပါးစီမံကိန်းဆောင်ရွက်မှု

နိုင်ငံ့စီးပွားမြှင့်တင်ရေးရန်ပုံငွေ/ တိုင်းဒေသကြီး/ ပြည်နယ် ဘတ်ဂျက်မှ ပံ့ပိုးငွေ/  အသင်းပိုင်ငွေ များဖြင့် မိုးစပါးစီမံကိန်းဆောင်ရွက်မှု

 ၂၀၂၅-၂၀၂၆ ဘဏ္ဍာရေးနှစ်တွင် နိုင်ငံ့စီးပွားမြှင့်တင်ရေးရန်ပုံငွေဖြင့် မိုးစပါးစိုက်ပျိုး ထုတ်လုပ်ရေး စီမံကိန်းတွင် သမဝါယမကဏ္ဍအနေဖြင့် အောက်ပါအတိုင်း ဆောင်ရွက် ခဲ့ပြီးဖြစ်ပါသည် -

တိုင်းဒေသကြီး/ ပြည်နယ် (၁၃) ခု

မြို့နယ် (၁၃၅) မြို့နယ်

အသင်း (၁၀၀၂) သင်း

အသင်းသား ( ၂၈၂၇၃) ဦး

မိုးစပါးစိုက်ဧက (၁၅၈၇၄၀.၃၉၆) ဧက

(၁)ဧကပျမ်းမျှအထွက်နှုန်း (၁၀၀.၉၈) တင်း

ပံ့ပိုးငွေ  ( ၃၆၃၉၀.၃၃၁) ကျပ်သန်း

၂၀၂၆-၂၀၂၇ ဘဏ္ဍာရေးနှစ်တွင် တိုင်းဒေသကြီး/ပြည်နယ်(၁၃)ခု၊ မြို့နယ်(၁၄၀)မြို့နယ်၊ အသင်း(၁၀၅၁)သင်းမှ မိုးစပါးစိုက်ပျိုးဧက(၁၈၀၀၀၀)ဧက လျာထားအကောင်အထည်ဖော်ဆောင်ရွက်သွားမည်ဖြစ်ပါသည်။ (၁)ဧကလျှင် (၂)သိန်း-(၂.၅)သိန်း-(၃)သိန်းနှုန်းနှင့်ညီမျှသော သွင်းအားစုများအတွက် လိုအပ်သော ပံ့ပိုးငွေများအား စိုက်/မွေး/ဆည်နိုင်ငံ့စီးပွားမြှင့်တင်ရေးရန်ပုံငွေမှလည်းကောင်း တိုင်းဒေသကြီး/ပြည်နယ် နိုင်ငံ့စီးပွားမြှင့်တင်ရေးရန်ပုံငွေမှလည်းကောင်း၊ နိုင်ငံတော်ထောက်ပံ့ငွေ(သက်တန့်ရောင်စီမံကိန်း)မှလည်းကောင်း၊ အသင်းပိုင်/အသင်းအချင်းချင်းငွေမှလည်ကောင်း ပံ့ပိုးငွေရယူ၍ ဆောင်ရွက်သွားပါမည်။ 

မိုးစပါးစီမံကိန်းဆောင်ရွက်မှု

စိုက်ပျိုးရေး၊မွေးမြူရေးနှင့်ဆည်မြောင်ဝန်ကြီးဌာန နိုင်ငံ့စီးပွားမြှင့်တင်ရေးရံပုံငွေဖြင့် မအူပင်မြို့နယ် စည်ပင်ကုန်းကျေးရွာ ဖွံ့ဖြိုးအောင်စိုက်/ထွေသမဝါယမအသင်းသို့ မိုးစပါးသွင်းအားစုထုတ်ပေးမှုမှတ်တမ်း

ကန်ကြီးထောင့်မြို့နယ် ကျုံပဒုတ်ကျေးရွာရှိ ပြည့်ဖြိုးကျော် စိုက်ပျိုးရေးနှင့်အထွေထွေ သမဝါယမအသင်း၏ ​ နိုင်ငံစီးပွားမြှင့်တင်ရေးရန်ပုံငွေဖြင့် နွေစပါးစိုက်ပျိုးရန် ထွန်ယက်ခြင်းလုပ်ငန်းဆောင်ရွက်နေသည့် မှတ်တမ်း

စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာန နိုင်ငံ့စီးပွားမြှင့်တင်ရေးရန်ပုံငွေဖြင့် မြောင်းမြမြို့နယ် ကြာဖူးငုံကျေးရွာ ကုမုဒြာစိုက်/ထွေ သမဝါယမအသင်းမှ နွေစပါးစိုက်ပျိုးထားသည့်မှတ်တမ်း

တိုင်းဒေသကြီး နိုင်ငံစီးပွားမြှင့်တင်ရေးရန်ပုံငွေဖြင့် မြောင်းမြမြို့နယ် မြမျိုးသန့် သမဝါယမအသင်းအား ပံ့ပိုးငွေထုတ်ပေးနေသည့်မှတ်တမ်း

တိုင်းဒေသကြီး နိုင်ငံစီးပွားမြှင့်တင်ရေးရန်ပုံငွေဖြင့် မြောင်းမြမြို့နယ် မြမျိုးသန့် သမဝါယမအသင်းအား ပံ့ပိုးငွေထုတ်ပေးနေသည့်မှတ်တမ်း

စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၏ နိုင်ငံ့စီးပွားမြှင့်တင်ရေးရန်ပုံငွေမှ သမဝါယမအသင်းသားများ မိုးစပါးရိတ်သိမ်းမှုမှတ်တမ်း

စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၏ နိုင်ငံ့စီးပွားမြှင့်တင်ရေးရန်ပုံငွေမှ သမဝါယမအသင်းသားများ မိုးစပါးရိတ်သိမ်းမှုမှတ်တမ်း

ဆောင်းဆီထွက်သီးနှံ(နေကြာ)စိုက်ပျိုးရေးစီမံကိန်းဆောင်ရွက်မှု

 ၂၀၂၅-၂၀၂၆ ဘဏ္ဍာနှစ်၊  နေကြာစီမံကိန်းတွင် ၂၀၂၄-၂၀၂၅ ဘဏ္ဍာနှစ်၌ နေကြာအထွက်နှုန်းကောင်းမွန်သည့် ရှမ်းပြည်နယ်ရှိ မြို့နယ်(၃)မြို့နယ်တွင် လျာထားဧက(၅၀၀၀)အပေါ် သမဝါယမအသင်း(၂၄)သင်း ဖွဲ့စည်းပြီး အသင်းသား (၈၇၀)ဦး၏ နေကြာစိုက်ဧက(၅၀၀၀)ဧက စိုက်ပျိုးထားရှိမှုမှ (၁၆၀၀)ဧက ရိတ်သိမ်းနိုင်ခဲ့ပြီး (၃၄၀၀)ဧက ရိတ်သိမ်းရန် ကျန်ရှိနေပါသည်။  (၁)ဧကလျှင် ကျပ်(၂.၅)သိန်း နှုန်းနှင့်ညီမျှသော မျိုးနှင့်သွင်းအားစုများ ပံ့ပိုးရန် အတွက် ကျပ်(၁၂၅၀)သန်းအား အသင်းပိုင်၊ အသင်းအချင်းချင်းပံ့ပိုးငွေဖြင့် ဆောင်ရွက် လျက်ရှိပါသည်။

ဆောင်းဆီထွက်သီးနှံ(နေကြာ) စိုက်ပျိုးရေးစီမံကိန်းဆောင်ရွက်မှု

ဆောင်းဆီထွက်သီးနှံ(မြေပဲ) စိုက်ပျိုးရေးစီမံကိန်းဆောင်ရွက်မှု

၂၀၂၅-၂၀၂၆ ခုနှစ်၊ ဆောင်းဆီထွက်သီးနှံ (မြေပဲ) စိုက်ပျိုးရေးစီမံကိန်းအနေဖြင့် စိုက်ပျိုးရေးဦးစီးဌာန၏ လျာထားဧကအပေါ် သမဝါယမကဏ္ဍမှ တိုင်းဒေသကြီး/ ပြည်နယ် (၉)ခုတွင် (၁၁၈၀၀၀)ဧက ဆောင်ရွက်ရန် လျာထားဧကအပေါ် မြို့နယ် (၉၁)မြို့နယ်၊ အသင်း(၇၂၆)သင်းဖွဲ့စည်းပြီး အသင်းသား(၂၃၀၆၂)ဦး၏ မြေပဲစိုက်ဧက (၉၈၇၀၈.၅၀)ဧကအပေါ် (၉၅၂၂၇.၅)ဧက ရိတ်သိမ်းပြီး(၃၄၈၁)ဧက ရိတ်သိမ်းရန် ကျန်ရှိပါသည်။(၁)ဧကလျှင် ကျပ်(၂/၂.၅/၃/၄) သိန်းနှုန်းနှင့် ညီမျှသော သွင်းအားစု များအတွက် ပံ့ပိုးငွေကျပ် (၂၉၆၈၇.၉၀၉)သန်းအနက် ကျပ်(၂၆၀၃၅.၂၈၆) သန်းအား ပြန်လည်ပေးဆပ်ပြီး ကျပ်(၃၆၅၂.၆၂၃)သန်း ပေးဆပ်ရန် ကျန်ရှိပါသည်။

ဝါသီးနှံစိုက်ပျိုးရေးစီမံကိန်းဆောင်ရွက်မည့်အခြေအနေ

၂၀၂၅-၂၀၂၆ ဘဏ္ဍာရေးနှစ်တွင် ဝါစိုက်ပျိုးရန် လျာထား(၉၀၀၀၀) ဧကအပေါ် တိုင်းဒေသကြီး (၄)ခုရှိ မြို့နယ်ပေါင်း (၂၉)မြို့နယ်တွင် အသင်းသား(၂၀၈၃၃)ဦး၊ မိုးကြိုဝါ (၂၁၅၀)ဧက၊ မိုးဝါ (၁၄၃၈၇)ဧက၊ မိုးနှောင်းဝါ(၅၃၅၃၆)ဧက၊ စုစုပေါင်း (၇၀၀၇၃)ဧကအတွက် သမဝါယမအသင်း(၅၈၈)သင်း ဖွဲ့စည်းထားပြီး စိုက်ပျိုး ဆောင်ရွက်ခဲ့ပါသည်။

(၁)ဧကလျှင် ကျပ်(၂)သိန်းနှုန်းနှင့် ညီမျှသော သွင်းအားစုများအတွက် ငွေကျပ် (၁၂၃၆၂.၈၇၉)သန်းအား တိုင်းဒေသကြီးနိုင်ငံ့စီးပွားမြှင့်တင်ရေး ရန်ပုံငွေမှလည်း ကောင်း၊ အသင်းပိုင်ငွေ/ ကုမ္ပဏီများမှလည်းကောင်း ရယူဆောင်ရွက်ခဲ့ပါသည်။

မိုးကြိုဝါရိတ်သိမ်းမှုအနေဖြင့် -

မိုးကြိုဝါဆောင်ရွက်သည့် မန္တလေးတိုင်းဒေသကြီးတွင် (၂၁၅၀)ဧက ရိတ်သိမ်းခူး ဆွတ်မှုမှ (၁)ဧကအထွက်နှုန်း အမြင့်ဆုံး(၇၈၇)ပိဿာ၊ အနိမ့်ဆုံး (၇၃၉)ပိဿာ၊ (၁)ဧက ပျမ်းမျှအထွက်နှုန်း (၇၇၃)ပိဿာ နှုန်းဖြင့် အထွက်ပမာဏပေါင်း (၁၆၆၁၃၀၅)ပိဿာထွက်ရှိရာ ယခင်နှစ်တွင် (၁)ဧကပျမ်းမျှ(၅၅၃)ပိဿာနှုန်း ထွက်ရှိခဲ့ပါသည်။

မိုးဝါရိတ်သိမ်းမှုအနေဖြင့် -

မိုးဝါဆောင်ရွက်သည့် နေပြည်တော်၊ မကွေးနှင့် မန္တလေးတိုင်းဒေသကြီး တို့တွင် (၁၄၃၈၇)ဧက ရိတ်သိမ်းခူးဆွတ်မှုမှ (၁)ဧကအထွက်နှုန်း အမြင့်ဆုံး(၇၆၅) ပိဿာ၊အနိမ့်ဆုံး(၆၃၆)ပိဿာ၊(၁)ဧကပျမ်းမျှအထွက် နှုန်း(၇၀၃)ပိဿာနှုန်းဖြင့် အထွက်ပမာဏပေါင်း (၁၀၁၁၂၀၁၆)ပိဿာ ထွက်ရှိခဲ့ရာ ယခင်နှစ်တွင် (၁)ဧက ပျမ်းမျှ (၄၇၆) ပိဿာနှုန်း ထွက်ရှိခဲ့ပါသည်။

မိုးနှောင်းဝါရိတ်သိမ်းမှုအနေဖြင့် -

မိုးနှောင်းဝါဆောင်ရွက်သည့် ပဲခူး၊ မကွေးနှင့် မန္တလေးတိုင်းဒေသကြီးတို့တွင် (၅၃၅၃၆)ဧကရိတ်သိမ်းခူးဆွတ်မှုမှ (၁)ဧကအထွက်နှုန်း အမြင့်ဆုံး(၇၂၉) ပိဿာ၊ အနိမ့်ဆုံး(၆၇၆)ပိဿာ၊ (၁)ဧကပျမ်းမျှအထွက်နှုန်း(၆၉၇)ပိဿာနှုန်းဖြင့် အထွက် ပမာဏပေါင်း(၃၇၃၂၉၂၆၁)ပိဿာထွက်ရှိခဲ့ရာ ယခင်နှစ်တွင် (၁)ဧက ပျမ်းမျှ (၅၆၂)ပိဿာနှုန်း ထွက်ရှိသဖြင့် ယခင်နှစ်ထက် (၁၃၅)ပိဿာ ပိုမိုထွက် ရှိပါသည်။

၂၀၂၆-၂၀၂၇ ဘဏ္ဍာရေးနှစ်တွင် ဝါစိုက်ပျိုးရန် သမဝါယမကဏ္ဍမှ ဝါစိုက်ပျိုးရန် လျာထားဧက(၈၀၀၀၀)ဧကအပေါ်တိုင်းဒေသကြီး(၄)ခုရှိမြို့နယ်(၂၆)မြို့နယ်တွင် အသင်းသား(၁၅၆၅၈)ဦးမှ မိုးကြိုဝါ (၂၆၃၀)ဧက၊ မိုးဝါ (၆၇၆၈)ဧက၊ မိုးနှောင်းဝါ (၄၃၈၅၀)ဧက၊ စုစုပေါင်း(၅၃၂၄၈)ဧကဖြင့် သမဝါယမအသင်း(၄၆၃)သင်း ဖွဲ့စည်း ထားပြီးဖြစ်ပါသည်။

မိုးကြိုဝါစိုက်ပျိုးမှုအနေဖြင့် မန္တလေးတိုင်းဒေသကြီးတွင် မိုးကြိုဝါ (၂၆၃၀)ဧက အတွက် (၁)ဧကလျှင် ကျပ်(၂)သိန်းနှုန်းနှင့် ညီမျှသော ကျပ်(၆၁၄.၃၃၀)သန်း တန်ဖိုးရှိ မျိုးနှင့် သွင်းအားစုများပံ့ပိုးပေးထားပြီး မိုးကြိုဝါဧကအားလုံး စိုက်ပျိုး ပြီးဖြစ်ပါသည်။

ဝါသီးနှံစိုက်ပျိုးရေးစီမံကိန်း

ဝါသီးနှံစိုက်ပျိုးရေးစီမံကိန်း

နို့စားနွားမွေးမြူရေးစီမံကိန်းအကောင်အထည်ဖော်ဆောင်ရွက်မှုအခြေအနေ

ပြည်ထောင်စုနယ်မြေ နေပြည်တော်အတွင်း

သမဝါယမဦးစီးဌာနအနေဖြင့်  အသားတိုးနွားမွေးမြူရေးလုပ်ငန်းကို ပြည်ထောင်စု နယ်မြေ၊ နေပြည်တော်အတွင်း လယ်ဝေးမြို့နယ် တလုတ်ပင်ကျေးရွာရှိ ဒို့မြန်မာ အထွေထွေစီးပွား‌ရေးလုပ်ငန်း သမဝါယမအသင်းတွင် မွေးမြူဆောင်ရွက်လျက်ရှိပါ သည်။

 ဒိုမြန်မာ အထွေထွေစီးပွား‌ရေးလုပ်ငန်း သမဝါယမအသင်းတွင် ခေတ်မီ အဆင့်မြင့်အသားတိုးနွားမွေးမြူရေးလုပ်ငန်းကို(၂၅-၁၀-၂၀၂၅)ရက်နေ့တွင် စတင်အကောင်အထည်ဖော်ခဲ့ပါသည်။

အစီရင်ခံသည့်ကာလတွင်  ဒေသနွားသားပေါက် (၂၇)ကောင်အပါအဝင် ဒေသနွား (၄၅၂)ကောင်နှင့် စပ်မျိုးအသားတိုးနွား သားပေါက်(၃)ကောင် အပါအဝင် စပ်မျိုးအသားတိုးနွား (၂၆)ကောင် စုစုပေါင်းအသားတိုးနွား ကောင်ရေ (၄၇၈)ကောင် မွေးမြူထားရှိပါကြောင်း တင်ပြအပ်ပါသည်။

မန္တလေးတိုင်းဒေသကြီး၊ မိတ္ထီလာခရိုင်အတွင်း

သမဝါယမဦးစီးဌာနအနေဖြင့်  နို့စားနွားမွေးမြူရေးလုပ်ငန်းကို မန္တလေးတိုင်း ဒေသကြီး၊ မိတ္ထီလာခရိုင်အတွင်း မြို့နယ် (၄)မြို့နယ် ( မိတ္ထီလာ၊ ဝမ်းတွင်း၊ သာစည်၊ မလှိုင်)ရှိ ကျေးရွာ/ရပ်ကွက်(၂၁)ခု၊ သမဝါယမအသင်း(၂၁)သင်းတွင် အကောင်အထည်ဖော် ဆောင်ရွက်လျက်ရှိပါသည်။

မိတ္ထီလာခရိုင်အတွင်း နို့စားနွားမွေးမြူရေးစီမံကိန်းအရ (၃၀-၄-၂၀၂၆) ရက်နေ့ထိ မိတ္ထီလာ၊ ဝမ်းတွင်း၊ သာစည်၊ မလှိုင် စသည့်(၄)မြို့နယ်ရှိ သမဝါယမအသင်း(၂၁)သင်း၊ အသင်းသား(၄၉၂)ဦးတို့က စပ်မျိုးနွားသား ပေါက်(၁၃၆)ကောင်အပါအဝင် စပ်မျိုးနို့စားနွားကောင်ရေ (၁၁၆၉)ကောင် နှင့် ဒေသနွားသားပေါက်(၂၄၄)ကောင်အပါအဝင် ဒေသနို့စားနွားကောင်ရေ (၁၅၆၇)ကောင်စုစုပေါင်းနွားကောင်ရေ(၂၇၃၆)ကောင်မွေးမြူထားရှိပါသည်။

၂၀၂၅-၂၀၂၆ခုနှစ်၊ပြည်ထောင်စုဘတ်ဂျက်နိုင်ငံတော်ထောက်ပံ့ငွေ (သက်တန့်ရောင်)စီမံကိန်းမှပံ့ပိုးငွေကျပ်(၁၀၀)သန်းဖြင့် မိတ္ထီလာ မြို့နယ် သမဝါယမအသင်း(၃)သင်းရှိ အသင်းသား(၂၁)ဦးမှ စပ်မျိုး  နို့စားနွားသားပေါက် (၁၁)ကောင်အပါအဝင် စပ်မျိုးနို့စားနွား (၆၁)ကောင်  မွေးမြူထားရှိပါသည်။

သို့ပါ၍ မိတ္ထီလာခရိုင် နို့စားနွားမွေးမြူရေးလုပ်ငန်းတွင် စပ်မျိုးနို့ စားနွားကောင်ရေ (၁၂၃၀)ကောင်နှင့် ဒေသနွားကောင်ရေ (၁၅၆၇)ကောင် စုစုပေါင်းနွားကောင်ရေ(၂၇၉၇)ကောင်ကို မွေးမြူ ထားရှိပါသည်။

မိတ္ထီလာခရိုင်အတွင်း မြို့နယ်(၄)မြို့နယ်တွင် နို့စားနွားကောင်ရေ (၂၇၉၇) အနက် နို့ညှစ်နွားကောင်ရေ(၇၃၇)ကောင်မှ ၂၀၂၆ခုနှစ်၊ ဧပြီလ အတွင်း နွားနို့(၆၈၁၃၀)ပိဿာထွက်ရှိခဲ့ပြီးရောင်းရငွေကျပ်(၂၄၀.၇၅၂)သန်း ရရှိခဲ့ပါကြောင်း တင်ပြအပ်ပါသည်။

ရန်ကုန်တိုင်းဒေသကြီးအတွင်း

သမဝါယမဦးစီးဌာနအနေဖြင့် နို့စားနွားနှင့်အသားစားနွား မွေးမြူရေးလုပ် ငန်းကို ရန်ကုန်တိုင်းဒေသကြီးအတွင်း မြို့နယ် (၇)မြို့နယ် (သန်လျင်၊ မင်္ဂလာဒုံ၊ အင်းစိန်၊ ရွှေပြည်သာ၊ လှည်းကူး၊ မှော်ဘီ၊ တိုက်ကြီး)ရှိ ကျေးရွာ/ ရပ်ကွက် (၈)ခု၊ သမဝါယမအသင်း (၈)သင်းတွင် အကောင်အထည်ဖော် ဆောင်ရွက်လျက်ရှိပါသည်။   

ရန်ကုန်တိုင်း‌ဒေသကြီးအတွင်း မြို့နယ်(၆)မြို့နယ် (သန်လျင်၊ မင်္ဂလာဒုံ၊ အင်းစိန်၊ ရွှေပြည်သာ၊ လှည်းကူး၊ မှော်ဘီ)ရှိ သမဝါယမ အသင်း(၇)သင်း၊ အသင်းသား(၅၆)ဦးတို့က စပ်မျိုးနွားသားပေါက် (၁၁၄)ကောင်အပါအဝင် စပ်မျိုးနို့စားနွားကောင်ရေ(၅၅၆)ကောင် နှင့် ဒေသနွား(၁၀)ကောင် စုစုပေါင်း နို့စားနွားကောင်ရေ (၅၆၆) ကောင် မွေးမြူထားပါသည်။

တိုက်ကြီးမြို့နယ်ရှိ စမ်းရွာကျေးရွာရှိ စမ်းရတနာမွေးမြူရေးနှင့် အထွေထွေသမဝါယမအသင်းမှ အသင်းသား(၁၂)ဦးတို့က စပ်မျိုး အသားစားနွား (၁၄)ကောင်နှင့် ဒေသအသားစားနွားကောင်ရေ (၄၁)ကောင်ကိုစုစုပေါင်းကောင်ရေ(၅၅)ကောင်မွေးမြူထားပါသည်။

သို့ပါ၍ နို့စားနွား  မွေးမြူရေးလုပ်ငန်းတွင် နို့စားနွားကောင်ရေ (၅၆၆)ကောင်နှင့် အသားစားနွားကောင်ရေ (၅၅)ကောင် စုစုပေါင်း နွားကောင်ရေ (၆၂၁)ကောင်ကို မွေးမြူထားရှိပါသည်။

နွားနို့ထွက်ရှိမှုအနေဖြင့် နို့စားနွားကောင်ရေ (၅၆၆)အနက် နို့ညှစ်နွား ကောင်ရေ (၃၁၄)ကောင်မှ ၂၀၂၆ ခုနှစ်၊ ဧပြီလအတွင်း နွားနို့(၅၄၀၃၀) ပိဿာထွက်ရှိခဲ့ပြီး ရောင်းရငွေကျပ်(၂၃၅၂၇၅သန်းရရှိခဲ့ပါကြောင်း တင်ပြ အပ်ပါသည်။