သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန
(ဎ) ခေတ်မီစံပြကျေးရွာထူထောင်ရေးစီမံကိန်း(Smart Village Project) အကောင်အထည်ဖော် ဆောင်ရွက်မှု
ခေတ်မီစံပြကျေးရွာထူထောင်ရေးစီမံကိန်းကိုကျေးရွာ အခြေခံအဆောက်အအုံများ ဖွံ့ဖြိုး စေခြင်း၊ သွင်းအားစု၊ ငွေကြေးဝန်ဆောင်မှုနှင့် နည်းပညာများပံ့ပိုးပေးခြင်း၊ ကျေးရွာသူ/သားများနှင့် ကျေးရွာအသင်းအဖွဲ့များ စွမ်းဆောင်ရည်မြင့်မားလာစေခြင်းဖြင့် စဉ်ဆက်မပြတ် ကျေးလက်ဖွံ့ဖြိုးမှုကို ဖော်ဆောင်ရန်၊ သဘာဝပတ်ဝန်းကျင်နှင့် လိုက်လျောညီထွေရှိသော နေချင့်စဖွယ် စံပြကျေးရွာများ ဖြစ်ပေါ်လာစေရန်ရည်ရွယ်၍ ကျေးရွာအခြေခံအဆောက်အအုံဖွံ့ဖြိုးရေးက၊ သွင်းအားစုနှင့် ငွေကြေး ဝန်ဆောင်မှုက၊ အသက်မွေးဝမ်းကျောင်းနှင့် ကျေးလက်စီးပွားမြင့်မားရေးက၊ အသင်းအဖွဲ့ ခိုင်မာအားကောင်းစေခြင်းနှင့် နည်းပညာဖြန့်ဖြူးခြင်းက၊ လူမှုကာကွယ်စောင့်ရှောက်ရေးကနှင့် သဘာဝပတ်ဝန်းကျင် ထိန်းသိမ်းရေးက စသည့်က (၆)ရပ်ဖြင့် ဆောင်ရွက်လျက်ရှိရာ ၂၀၂၅-၂၀၂၆ ဘဏ္ဍာနှစ်တွင် ကျေးရွာ (၂၆)ရွာအား တိုးချဲ့အကောင်အထည်ဖော် ဆောင်ရွက်သွားမည်ဖြစ်ပြီး အစီရင်ခံသည့်ကာလတွင် တိုးချဲ့ကျေးရွာ (၂၆)ရွာနှင့် ဆောင်ရွက်ဆဲ ကျေးရွာ (၄၂)ရွာ၊ စုစုပေါင်း ကျေးရွာ (၆၈)ရွာတွင် ဖွံ့ဖြိုးရေးလုပ်ငန်း စုစုပေါင်း (၁၇၃)ခုအား ဆောင်ရွက်လျက်ရှိရာ ဆောင်ရွက်ပြီး (၄၂)ခု၊ ဆောင်ရွက်ဆဲ (၁၀၄)ခု၊ ဆောင်ရွက်ရန်ကျန် (၂၇)ခု ဖြစ်ပါသည်။