မြစိမ်းရောင် ကျေးရွာစီမံကိန်းကို ၂၀၂၅-၂၀၂၆ ဘဏ္ဍာနှစ်တွင် တိုင်းဒေသကြီး/ ပြည်နယ် (၈)ခု၌ စီမံကိန်းကျေးရွာယူနစ် (၃၅)ယူနစ် ဆောင်ရွက်ရန်လျာထားခဲ့ပြီး အရန်အဖြစ် ထားရှိသော (၄)ယူနစ်မှအပ ကျန် (၃၁)ယူနစ်မှာ (၁၀၀%) ဆောင်ရွက်ပြီး ဖြစ်ပါ သည်။ ဖြည့်စွက်ရန်ပုံငွေဖြင့် စီမံကိန်းတိုးချဲ့ဆောင်ရွက်ရန်အတွက် တိုင်းဒေသကြီး/ ပြည်နယ် (၈)ခု၊ ကျေးရွာယူနစ် (၆၈)ယူနစ်အား ထပ်မံလျာထားခဲ့ရာ စီမံကိန်း မိတ်ဆက် ရှင်းလင်းခြင်း၊ ကျေးရွာလုပ်ငန်းအဖွဲ့ ဖွဲ့စည်းခြင်း၊ ကျေးရွာလုပ်ငန်း အဖွဲ့ဝင်များအား သင်တန်းပို့ချခြင်း၊ ကျေးရွာစာရင်းရှင် ဖွင့်လှစ်ခြင်း၊ ရန်ပုံငွေ လွှဲပြောင်းခြင်းစသည့် စီမံကိန်းလုပ်ငန်းစဉ်များ ဆောင်ရွက်လျက်ရှိပြီး အစီရင်ခံသည့် ကာလတွင် ကျေးရွာယူနစ် (၈)ယူနစ်အား ချေးငွေထုတ်ချေးပြီးဖြစ်ပြီး လုပ်ငန်း ပြီးစီးမှုရာခိုင်နှုန်းမှာ (၄၃.၉၇%) ဖြစ်ပါသည်။