15 Jan,2025

ပင်းတယ ဇန်နဝါရီ ၁၄

          ရှမ်းပြည်နယ် (တောင်ပိုင်း) ဓနုကိုယ်ပိုင်အုပ်ချုပ်ခွင့်ရဒေသ ပင်းတယမြို့နယ်ရှိ ရှောက်ပင်ကျေးရွာနှင့် ဝါတရာကျေးရွာ လမ်းမပေါ်ရှိ ကျေးရွာချင်းဆက် တံတားတစ်စင်းတည်ဆောက်နေမှုကို ဇန်နဝါရီလ ဒုတိယပတ်က ကျေးလက်လမ်းဖွံ့ဖြိုးရေးဦးစီးဌာန ဓနုကိုယ်ပိုင်အုပ်ချုပ်ခွင့်ရဒေသ လက်ထောက်ညွှန်ကြားရေးမှူး (မြို့ပြ) ဒေါ်ဝေဝေလွင်ဖြိုး၊ ဦးစီးအရာရှိ(မြို့ပြ) ဒေါ်တင်တင်ထွေးနှင့် တာဝန်ရှိသူများက ကွင်းဆင်းစစ်ဆေး၍ လိုအပ်သည်များကို ပေါင်းစပ်ညှိနှိုင်းပေးသည်။

             အဆိုပါ တံတားအရှည်မှာ ပေ ၄၀ ကွန်ကရစ်တံတားဖြစ်ကာ ၂၀၂၄-၂၀၂၅ ဘဏ္ဍာနှစ် ရန်ပုံငွေကျပ်သန်း ၁၉၀ ဒသမ ၂၇ဝ ဖြင့် တင်ဒါအောင်ကုမ္ပဏီက တာဝန်ယူတည်ဆောက်နေပြီး တံတားပြီးစီးမှုမှာ ၇၅ ရာခိုင်နှုန်း ဆောင်ရွက်ပြီးစီးနေပြီဖြစ်ကြောင်း သိရသည်။

အောင်ကိုဦး(ပြန်/ဆက်)