16 Jan,2025

စစ်တွေ ဇန်နဝါရီ ၁၅

            ကျေးလက်လမ်းဖွံ့ဖြိုးရေးဦးစီးဌာန နေပြည်တော်ရုံးချုပ်မှ အင်ဂျင်နီယာချုပ်(မြို့ပြ) ဦးထွန်းဝေနှင့်အဖွဲ့သည် ယမန်နေ့က စစ်တွေမြို့နယ် မှန်စီကျေးရွာသွားလမ်းပေါ်ရှိ ယာယီဘေလီ သံပေါင်သစ်သားကြမ်းခင်း တံတားတည်ဆောက်နေမှု ကွင်းဆင်းစစ်ဆေးသည်။

          စစ်တွေမြို့နယ် မှန်စီကျေးရွာသွားလမ်းပေါ်ရှိ ယာယီဘေလီ သံပေါင်သစ်သားကြမ်းခင်း တံတားအလျားပေ ၄၀ တည်ဆောက်မှုကို စစ်တွေမြို့နယ် ကျေးလက်လမ်းဖွံ့ဖြိုးရေးဦးစီးဌာနမှ ၂၀၂၄-၂၀၂၅ ဘဏ္ဍာနှစ် ပြည်နယ်အထွေထွေပိုလျှံရန်ပုံငွေကျပ် ၂၈ ဒသမ ၁၉ သန်းဖြင့် ဆောင်ရွက်နေခြင်းဖြစ်သည်။ အဆိုပါ တံတားတည်ဆောက်ခြင်းလုပ်ငန်း အချိန်မီပြီးစီးနိုင်ရေးအတွက် အင်ဂျင်နီယာချုပ်က ကွင်းဆင်းစစ်ဆေးကာ လိုအပ်သည်များကို ပေါင်းစပ်ညှိနှိုင်းပေးခဲ့သည်။

တင်ထွန်း(ပြန်/ဆက်)