11 Feb,2025

ဘားအံ ဖေဖော်ဝါရီ ၁၀

ကရင်ပြည်နယ်၊ ဘားအံမြို့ပေါ်ရှိ ဆီစက်လုပ်ငန်းရှင်များသမဝါယမအသင်းလီမိတက်၏ ဆီစက် လုပ်ငန်းသည် နိုင်ငံ့စီးပွားမြှင့်တင်ရေးရန်ပုံငွေမှ မတည်ထောက်ပံ့ငွေရယူ၍ လုပ်ငန်းများဆောင်ရွက် နေမှုအခြေအနေများကို ပြည်နယ်သမဝါယမဦးစီးဌာန ညွှန်ကြားရေးမှူး ဒေါ်အေးပွင့်သည် တာဝန်ရှိသူ များနှင့်အတူ ကွင်းဆင်းကြည့်ရှုခဲ့သည်။

ထို့သို့ ကွင်းဆင်းရာတွင် ပြည်နယ်သမဝါယမဦးစီးဌာန ညွှန်ကြားရေးမှူး ဒေါ်အေးပွင့်က ဆီထွက်သီးနှံကုန်ကြမ်းများအား စိုက်ပျိုးထုတ်လုပ်ရေးသမဝါယမအသင်းများနှင့် ချိတ်ဆက်ဝယ်ယူနိုင် ရေး၊ ထွက်ရှိလာသောကုန်ချောများကို ပြည်နယ်အတွင်းရှိ ပြည်သူများ၊ သမဝါယမအသင်းသားများနှင့် ဌာနဆိုင်ရာဝန်ထမ်းများအား သက်သာသောဈေးနှုန်းဖြင့် ဖြန့်ဖြူးရောင်းချပေးနိုင်ရေးတို့အတွက် သမဝါယမအသင်းအချင်းချင်း ချိတ်ဆက်ဆောင်ရွက်သွားကြရန် မှာကြားခဲ့ကြောင်း သိရသည်။