24 Feb,2025

ပုသိမ်ကြီး ဖေဖော်ဝါရီ ၂၄

မန္တလေးတိုင်းဒေသကြီး သမဝါယမဦးစီးဌာန လက်ထောက်ညွှန်ကြားရေးမှူးက ပုသိမ်ကြီးမြို့နယ်၊ သမဝါယမအသင်းစုရုံး အစည်းအဝေးခန်းမတွင် အခြေခံသမဝါယမအသင်းအမှုဆောင်များဖြင့် တွေ့ဆုံ ၍ သမဝါယမလုပ်ငန်းများအကြောင်း အကျယ်တဝင့်လုပ်ငန်းညှိနှိုင်းဆွေးနွေးကြသည်။

ဦးစွာ မန္တလေးတိုင်းဒေသကြီး၊ သမဝါယမဦးစီးဌာန လက်ထောက်ညွှန်ကြားရေးမှူး ဦးအောင်ဝင်း သည် သမဝါယမဦးစီးဌာနအနေဖြင့် လက်ရှိအကောင်အထည်ဖော်ဆောင်ရွက်လျက်ရှိသည့် နွေစပါး၊ မိုးစပါး၊ ဆီထွက်သီးနှံများဖြစ်သော မြေပဲ၊ နှမ်း၊ ဝါ၊ နေကြာများ စိုက်ပျိုးရန်ကိစ္စရပ်များ၊ အခြေခံသမဝါယမ အသင်းများ စဥ်ဆက်မပြတ် ဖွံ့ဖြိုးတိုးတက်စေရေးနှင့် အသင်းများ ဖွဲ့စည်းမှုမှန်ကန်စေရေးတို့ကို ဆွေးနွေး ပြောကြားခဲ့သည်။

အဆိုပါ အခမ်းအနားသို့ မန္တလေးတိုင်းဒေသကြီး၊ သမဝါယမဦးစီးဌာန လက်ထောက်ညွှန်ကြားရေး မှူး ဦးအောင်ဝင်း၊ မြို့နယ်ဦးစီးအရာရှိနှင့် ဝန်ထမ်းများ၊ မြို့နယ်သမဝါယမအသင်းစုအမှုဆောင်များနှင့် အခြေခံသမဝါယမအသင်း(၃၉)သင်းမှ အသင်းအမှုဆောင်များ တက်ရောက်ခဲ့ကြကြောင်း သိရသည်။

ဇာနည်ကိုကို

မန္တလေးတိုင်းဒေသကြီး