03 Mar,2025

ပြင်ဦးလွင် ဖေဖော်ဝါရီ ၂၈

            မန္တလေးတိုင်းဒေသကြီး ပြင်ဦးလွင်မြို့နယ် ကျေးလက်လမ်းဖွံ့ဖြိုးရေးဦးစီးဌာန၏ ၂၀၂၄-၂၀၂၅ ဘဏ္ဍာနှစ် တိုင်းဒေသကြီးငွေလုံးငွေရင်း ရန်ပုံငွေဖြင့် ခေတ်သစ်ကြယ်တံခွန်ကုမ္ပဏီမှ တာဝန်ယူဆောင်ရွက်ခဲ့ပြီးသော ဖောင်းတော-အင်းကြီးကျေးရွာချင်းဆက် လမ်းလုပ်ငန်းဆောင်ရွက်ပြီးစီးမှု အခြေအနေကို ယနေ့ မွန်းလွဲပိုင်းတွင် ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်)မှ အင်ဂျင်နီယာချုပ် ဦးလှခိုင်၊ မန္တလေးတိုင်းဒေသကြီး ကျေးလက်လမ်းဖွံ့ဖြိုးရေးဦးစီးဌာန ညွှန်ကြားရေးမှူး(မြို့ပြ) ဦးကျော်ဇေယျာဝင်း၊ ပြင်ဦးလွင်ခရိုင်လက်ထောက်ညွှန်ကြားရေးမှူး(မြို့ပြ)၊ ပြင်ဦးလွင်မြို့နယ် တာဝန်ခံနှင့် ကုမ္ပဏီမှတာဝန်ရှိသူများက ကွင်းဆင်းကြည့်ရှုစစ်ဆေးခဲ့ကြသည်။

            အဆိုပါလမ်းကို အဆင့်မြှင့်တင်ဆောင်ရွက်ပေးခြင်းဖြင့် အကျိုးပြု ကျေးရွာ နှစ်ရွာ၊ အိမ်ခြေ ၃၁၇ အိမ်၊ လူဦးရေ ၁၃၇၉ ဦး၏ ပညာရေး၊ ကျန်းမာရေး၊ လူမှုရေးဆိုင်ရာကိစ္စရပ်များနှင့် ကျေးလက်ထုတ်ကုန်များ အပြန်အလှန်ရောင်းဝယ်ဖောက်ကားရေးတို့ကို များစွာအကျိုးပြုလျက်ရှိကြောင်း သိရသည်။

ခရိုင်(ပြန်/ဆက်)