07 Mar,2025

ကျောက်ဆည် မတ် ၆

မန္တလေးတိုင်းဒေသကြီးသမဝါယမဦးစီးဌာန၊ တိုင်းဦးစီးမှူး ဦးထွန်းဇော်ဦး၊ လက်ထောက် ညွှန်ကြားရေးမှူး ဦးအောင်ဝင်းနှင့်တာဝန်ရှိသူများသည် ယနေ့နံနက်ပိုင်းက ကျောက်ဆည်ခရိုင်၊ ကျောက်ဆည်မြို့နယ် ပင်တလည်ကျေးရွာ စိုက်ပျိုးရေးနှင့်အထွေထွေသမဝါယမအသင်းသား တောင်သူဦးကျော်ငွေထွန်း၏ ကွင်းအမှတ်၂၀၈(က)၊ ဦးပိုင်အမှတ်၂၆/၅ လယ်မြေ (၃) ဧကတွင် ကောက်စက်ဖြင့် GW-11 နွေစပါး စိုက်ပျိုး နေမှုအား ကြည့်ရှုအားပေးခဲ့ကြောင်း သိရသည်။

ထို့နောက် တိုင်းဒေသကြီးသမဝါယမဦးစီးဌာနမှ လက်ထောက်ညွှန်ကြားရေးမှူး ဦးအောင်ဝင်း သည် မြို့နယ်သမဝါယမအသင်းစုရုံးသို့ သွားရောက်ပြီး မြို့နယ်သမဝါယမဦးစီးဌာနမှ ဝန်ထမ်းများ၊ သမဝါယမအသင်းစုမှ အမှုဆောင်များနှင့်တွေ့ဆုံပြီး မြို့နယ်သမဝါယမဦးစီးဌာန လုပ်ငန်းများအောင်မြင်ရေးနှင့် အခြေခံသမဝါယမအသင်းသားများ၏ လူမှုဘဝများဖွံ့ဖြိုး တိုးတက် ရေး ဆက်လက်ဆောင်ရွက်သွားမည့် လုပ်ငန်းစဉ်များအား ရှင်းလင်းဆွေးနွေးခဲ့ကြောင်း သိရသည်။

သက်မောင်(ကျောက်ဆည်)

မန္တလေးတိုင်းဒေသကြီး