10 Mar,2025

မြစ်ကြီးနား၊ မတ် ၁၀

 ကချင်ပြည်နယ်၊ မြစ်ကြီးနားမြို့ ကံ့ကော်မြိုင်ငွေစုငွေချေးသမဝါယမအသင်းလီမိတက်၏ ၂၀၂၃-၂၀၂၄ ဘဏ္ဍာနှစ် နှစ်ပတ်လည်အရပ်ရပ်ဆိုင်ရာအစည်းအဝေးကို ကံ့ကော်မြိုင်ကျေးရွာပလန(၂) ကျေးရွာအစည်းအဝေးခန်းမ၌ ကျင်းပခဲ့သည်။

 အဆိုပါအစည်းအဝေးတွင် မြို့နယ်သမဝါယမဦးစီးဌာန ဦးစီးအရာရှိ ဒေါ်နိုင်နိုင်မော်က သမဝါယမလုပ်ငန်းများဆိုင်ရာနှင့်စပ်လျဉ်း၍ ပြောကြားခဲ့ပြီး အသင်းအမှုဆောင်အဖွဲ့၏အစီရင်ခံစာ၊ ဘဏ္ဍာရေးရှင်းတမ်းများ၊ ရှေ့လုပ်ငန်းစဉ်များအား ဆွေးနွေးအတည်ပြုပြီးနောက် အသင်းသားများအား စုဆောင်းငွေပေါ်အတိုးငွေကျပ် ၁၂၀၁၈၈၀၀ ကို ပေးအပ်ခဲ့ကြောင်း သိရသည်။