15 May,2025

လယ်ဝေး မေ ၁၄

ပြည်ထောင်စုနယ်မြေ၊ လယ်ဝေးမြို့နယ်၊ သမဝါယမဦးစီးဌာနနှင့် မြို့နယ်စိုက်ပျိုးရေးဦးစီး ဌာနတို့ပူးပေါင်း၍ ၂၀၂၅-၂၀၂၆ ဘဏ္ဍာရေးနှစ်၊ စီမံကိန်းသီးနှံများ တစ်ဧကပန်းတိုင်အထွက်နှုန်း ရရှိရေးအတွက် သမဝါယမအသင်းသားတောင်သူများအား အသိပညာပေးဆွေးနွေးပွဲကို ကြောင်ရေ ကျေးရွာ KC ၌ ကျင်းပခဲ့သည်။

အဆိုပါဆွေးနွေးပွဲသို့ မြို့နယ်သမဝါယမဦးစီးဌာနနှင့်စိုက်ပျိုးရေးဦးစီးဌာနမှ မြို့နယ်ဦးစီးမှူး နှင့် ဝန်ထမ်းများနိုင်ငံတော်ထောက်ပံ့ငွေ၊ လူမှုစီးပွားမြှင့်တင်ရေးစီမံကိန်း (သက်တန့်ရောင်စီမံကိန်း) ဖြင့်ဆောင်ရွက်မည့် သမဝါယမအသင်း ၇ သင်းအပါအဝင် သမဝါယမအသင်း ၁၀ သင်းမှ အသင်းသား၊ အသင်းသူ ၈၅ ဦး တက်ရောက်ခဲ့သည်။

ရှေးဦးစွာ လယ်ဝေးမြို့နယ်၊ သမဝါယမဦးစီးဌာန၊ မြို့နယ်ဦးစီးမှူး ဦးအောင်လွင်က သမဝါယမအသင်းသားတောင်သူများအနေဖြင့် သီးနှံများစိုက်ပျိုးရာတွင်  မျိုး၊ မြေ၊ ရေ၊ နည်း စသည့် အခြေခံအချက်များကို စနစ်တကျလိုက်နာဆောင်ရွက်ခြင်းဖြင့် တစ်ဧကပန်းတိုင်အထွက်နှုန်းထွက် ရှိရေး ကြိုးပမ်းဆောင်ရွက်ကြရန် ဆွေးနွေးပြောကြားခဲ့သည်။

ဆက်လက်၍ စိုက်ပျိုးရေးဦးစီးဌာနမှ မြို့နယ်ဦးစီးမှူးဦးစောဝင်းက မျိုးကောင်းမျိုးသန့်များ၊ အထွက်တိုးမျိုးစပါး ရွေးချယ်အသုံးပြုရေး၊ မြေဩဇာသုံးစွဲမှုနှင့် စိုက်ပျိုးနည်းစနစ်မှန်ကန်စေရေး တို့အတွက် ရှင်းလင်းဆွေးနွေးခဲ့ကြောင်း သိရသည်။