10 Jun,2025

မှော်ဘီ ဇွန် ၉

   ရန်ကုန်တိုင်းဒေသကြီး မှော်ဘီမြို့နယ် ကျေးလက်လမ်းဖွံ့ဖြိုးရေးဦးစီးဌာနမှ ၂၀၂၅-၂၀၂၆ ဘဏ္ဍာနှစ် ရန်ကုန်တိုင်းဒေသကြီး ရန်ပုံငွေဖြင့် နတ်ရဲကွင်း-မရမ်းဆည်လမ်း မြေသားလမ်းနှင့် ကွန်ကရစ်တံတား တည်ဆောက်မည်ဖြစ်ပြီး ယင်းအစီအစဉ်များ ရှင်းလင်း ပြောကြားခြင်းကို ယမန်နေ့က ပြုလုပ်သည်။

    အဆိုပါ နတ်ရဲကွင်း - မရမ်းဆည်လမ်း မြေသားလမ်း ဆောင်ရွက်ခြင်းနှင့် ကွန်ကရစ်တံတားတည်ဆောက်ခြင်း လုပ်ငန်းများ၏ လုပ်ငန်းဆောင်ရွက်မည့် အစီအစဉ်များကို မှော်ဘီမြို့နယ် ကျေးလက်လမ်းဖွံ့ဖြိုးရေးဦးစီးဌာန ဦးစီးမှူးဦးဝဏ္ဏစိုးက ရပ်ကွက်၊ ကျေးရွာ အုပ်ချုပ်ရေးမှူးများအား ရှင်းလင်း ပြောကြားခဲ့ကြောင်း သိရသည်။

ဝင်းဇော်(မှော်ဘီ)