12 Jun,2025

ကျိုင်းတုံ ဇွန် ၁၀

ရှမ်းပြည်နယ်(အရှေ့ပိုင်း)၊ ကျိုင်းတုံမြို့၌ ဝန်ထမ်းပေါင်းစုံငွေစုငွေချေးသမဝါယမအသင်း လီမိတက်၏ ၂၀၂၄-၂၀၂၅ ဘဏ္ဍာရေးနှစ် နှစ်ပတ်လည်အရပ်ရပ်ဆိုင်ရာအစည်းအဝေးကို မြို့နယ် သမဝါယမဦးစီးဌာနရုံး၌ ကျင်းပပြုလုပ်ခဲ့သည်။

အစည်းအဝေးတွင် ကျိုင်းတုံမြို့နယ်မဝါယမဦးစီးဌာန၊ ဦးစီးအရာရှိ ဒေါ်မေနှင်းအေးနှင့် မြို့နယ် သမဝါယမအသင်းစုဥက္ကဋ္ဌတို့က အမှာစကားပြောကြားပြီး အသင်း၏ အုပ်ချုပ်မှုဒါရိုက်တာမှ ဒါရိုက်တာ အဖွဲ့အစီရင်အခံစာနှင့် ၂၀၂၄-၂၀၂၅  ခုနှစ်ချုပ် ဘဏ္ဍာရေးရှင်းတမ်းနှင့် ရှေ့လုပ်ငန်းစဉ်များ ဖတ်ကြား တင်ပြရာ တက်ရောက်လာကြသည့် အမှုဆောင်အဖွဲ့နှင့် အသင်းသားများ၏ အတည်ပြုချက်များရယူခဲ့​ပြီး အသင်းသား(၂၅၆)ဦးအား အစုပေါ်အမြတ်ငွေ/စုဆောင်းငွေပေါ်အတိုးနှင့် တက်ရောက်လာသည့် အသင်းသားများအား ပြန်လည်ချီးမြှင့်သည့်အနေနှင့် တစ်ဦးလျှင် ပဲဆီတစ်ပိဿာနှုန်းနှင့် မျက်နှာသုတ် ပုဝါစသည်တို့ကို ထုတ်ဝေပေးခဲ့ကြောင်း သိရသည်။

 

အောင်ဇင်မြင့်(ပြန်/ဆက်)

ရှမ်းပြည်နယ်