13 Jun,2025

ပဲခူးတိုင်းဒေသကြီးအတွင်း ဆောင်ရွက်မည့် ငွေလုံးငွေရင်းလုပ်ငန်းများ အိတ်ဖွင့်တင်ဒါဖွင့်ပွဲကျင်းပ

ပဲခူး ဇွန် ၁၃

ပဲခူးတိုင်းဒေသကြီး ကျေးလက်ဒေသဖွံ့ဖြိုးတိုးတက်ရေးဦးစီးဌာနက ၂၀၂၅ - ၂၀၂၆ ခု ဘဏ္ဍာရေးနှစ်တွင် တိုင်းဒေသကြီးအတွင်း ဆောင်ရွက်မည့် ငွေလုံးငွေရင်းလုပ်ငန်းများ အိတ်ဖွင့်တင်ဒါဖွင့်ပွဲအခမ်းအနားကို ဇွန်လ ၁၂ ရက်နေ့ နေ့လယ်ပိုင်းက အဆိုပါဦးစီးဌာန အစည်းအဝေးခန်းမ၌ ကျင်းပပြုလုပ်ခဲ့ကြောင်း သိရသည်။

ရှေးဦးစွာ တင်ဒါကော်မတီဥက္ကဌဖြစ်သူ ပဲခူးတိုင်းဒေသကြီးအစိုးရအဖွဲ့ လမ်းပန်းဆက်သွယ်ရေးဝန်ကြီး ဦးတင်ဆွေက အဖွင့်အမှာစကားပြောကြားပါသည်။

ထို့နောက် ၂၀၂၅-၂၀၂၆ ခု ဘဏ္ဍာနှစ်တွင် ဆောင်ရွက်မည့် ငွေလုံးငွေရင်းလုပ်ငန်းများအား အိတ်ဖွင့်တင်ဒါတင်သွင်းသူများ၏ ရှေ့မှောက်တွင် ဈေးနှုန်းအဆိုပြုလွှာ (Price Proposal)များကို ဖွင့်ဖောက်စစ်ဆေးကြပြီး အခမ်းအနားကို ညနေပိုင်းတွင် ရုပ်သိမ်းခဲ့ကြောင်းသိရသည်။

ပဲခူးတိုင်းဒေသကြီးအတွင်း ၂၀၂၅-၂၀၂၆ ခု ဘဏ္ဍာရေးနှစ်တွင် ပြည်ထောင်စုရန်ပုံငွေ၊ တိုင်းဒေသကြီးရန်ပုံငွေတို့ဖြင့် ကျေးလက်ကုန်ထုတ် လမ်း၊ တံတားလုပ်ငန်းနှင့် ကျေးရွာတွင်းလမ်းလုပ်ငန်း  ၂၁ ခု၊ ကျေးလက်ရေရရှိရေးလုပ်ငန်း ၁၁ ခု၊ စိုက်ပျိုးရေရရိရေးလုပ်ငန်း တစ်ခု၊ စုစုပေါင်း လုပ်ငန်း ၃၃ ခုကို အိတ်ဖွင့်တင်ဒါခေါ်ယူဆောင်ရွက်လျက်ရှိကြောင်းသိရသည်။

သန်းလွင်(မကွေး)