18 Jun,2025

ကော့မှူး ဇွန် ၁၇

      ဇူလိုင် ၃ ရက်တွင် ကျရောက်မည့် မြန်မာအမျိုးသမီးများနေ့ကို ဂုဏ်ပြုကြိုဆိုသောအားဖြင့် ကျေးလက်လမ်းဖွံ့ဖြိုးရေးဦးစီးဌာနမှ ဦးဆောင်ကျင်းပသော စုပေါင်းသစ်ပင်စိုက်ပျိုးပွဲတော်ကို ယနေ့ နံနက်ပိုင်းက ရန်ကုန်တိုင်းဒေသကြီး တွံတေးခရိုင် ကော့မှူးမြို့နယ် ပျားမွတ်-နှစ်ခွရွာချင်းဆက်ကွန်ကရစ်လမ်း (၀/၀မိုင်မှ ၁/၁.၇မိုင်) အတွင်း၌ စိုက်ပျိုးခဲ့ကြောင်း သိရသည်။

     ဦးစွာမြို့နယ် သစ်တောဦးစီးဌာန မြို့နယ်ဦးစီးမှူး ဦးလူမင်းက ဌာနဆိုင်ရာများအား ပျိုးပင်များပေးအပ်ပြီး ကျေးလက်လမ်းဖွံ့ဖြိုးရေးဦးစီးဌာနက ဦးဆောင်၍ ပျားမွတ်− နှစ်ခွလမ်းတစ်လျှောက်တွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးမျိုးမင်းနှင့် အဖွဲ့ဝင်များ၊ ဌာနဆိုင်ရာများ၊ ကျေးရွာအုပ်ချုပ်ရေးမှူးနှင့် ကျေးရွာနေပြည်သူများက စိန်ပန်း၊ မန်ဂျန်ရှား စုစုပေါင်းအပင် ၂၀၀ စိုက်ပျိုးကြောင်း သိရသည်။

ကျော်သူရ (ကော့မှူး)