21 Jul,2025

တောင်ကြီး  ဇူလိုင်   21

ရှမ်းပြည်နယ်(တောင်ပိုင်း)၊ တောင်ကြီးမြို့နယ် သမဝါယမဦးစီးဌာနဝန်ထမ်းများငွေစုငွေချေး သမဝါယမအသင်းလီမိတက်၏ 2024-2025 ဘဏ္ဍာရေးနှစ်အတွက် အရပ်ရပ်ဆိုင်ရာအစည်းဝေးကို ရှမ်းပြည်နယ်သမဝါယမဦးစီးဌာနရုံး အစည်းအဝေးခန်းမ၌ ကျင်းပပြုလုပ်ရာ သဘာပတိ သမဝါယမဦးစီးဌာနဝန်ထမ်းများ ငွေစုငွေချေးသမဝါယမအသင်းလီမိတက် ဥက္ကဌ ဒေါ်ဝင်းစိန်မှ အသင်း၏လုပ်ငန်းဆောင်ရွက်မှုအခြေအနေများအား ရှင်းလင်းပြောကြားခဲ့သည်။

ဆက်လက်ပြီး သမဝါယမဦးစီးဌာန ဝန်ထမ်းများ ငွေစုငွေချေးသမဝါယမအသင်းလီမိတက် အမှုဆောင်အဖွဲ့၏ လုပ်ငန်းဆောင်ရွက်မှု အစီရင်ခံစာ၊ ဘဏ္ဍာရေးရှင်းတမ်းများ ဖတ်ကြား ရှင်းလင်းခြင်း၊ ရှေ့လုပ်ငန်းစဉ်များကို ချမှတ်ခြင်းနှင့် အတည်ပြုချက်ရယူခြင်းတို့ကို ဆောင်ရွက် ခဲ့ကြပြီး အစည်းအဝေးသို့ ရှမ်းပြည်နယ်သမဝါယမဦးစီးဌာနမှ လက်ထောက်ညွှန်ကြားရေးမှူးနှင့် တာဝန်ရှိသူများ၊ တောင်ကြီးမြို့နယ်သမဝါယမဦးစီးဌာနမှ ဦးစီးအရာရှိနှင့်တာဝန်ရှိသူများ၊ တောင်ကြီးမြို့နယ်သမဝါယမအသင်းစုမှ ဥက္ကဌနှင့် အသင်းသား၊ အသင်းသူများ စုစုပေါင်း(98)ဦး တက်ရောက်ခဲ့ကြောင်း သိရသည်။