23 Jul,2025

တောင်ကြီး  ဇူလိုင်  23

ရှမ်းပြည်နယ်(တောင်ပိုင်း)၊ ညောင်ရွှေမြို့နယ်၊ သလဲဦးကျေးရွာ၊ ရောင်နီဦးလယ်ယာနှင့် အထွေထွေစီးပွားရေးလုပ်ငန်းသမဝါယမအသင်းနှင့် မိုင်းပျိုးကျေးရွာအုပ်စု၊ ကြေးထက်ကျေးရွာ၊ မြပုလဲလယ်ယာနှင့်အထွေထွေစီးပွားရေးလုပ်ငန်းသမဝါယမအသင်းများ၏ နွေစပါးရိတ်သိမ်းနေမှု များအား ညွှန်ကြားရေးမှူး     ဦးကျော်မိုးတင့်နှင့်တာဝန်ရှိသူများက ကွင်းဆင်းကြည့်ရှုခဲ့သည်။  

ထို့နောက် ညွှန်ကြားရေးမှူးနှင့် တာဝန်ရှိသူများက အသင်းသားတောင်သူများအား မိုးစပါးစိုက်ပျိုးရန်အတွက် ထောက်ပံ့ပေးအပ်သည့် သွင်းအားစုများကို စနစ်တကျအသုံးပြုပြီး ပန်းတိုင် အထွက်နှုန်းရရှိအောင်ဆောင်ရွက်ကြရန် မှာကြားခဲ့သည်။

ဆက်လက်၍ အသင်းသားတောင်သူ ဒေါ်သန်းဝင်း၏ GW - 11 စံပြစိုက်ဧက စိုက်ပျိုးထား မှုနှင့် ညောင်ရွှေမြို့နယ်မိုးစပါးလျာထားချက်ပြည့်မီ အောင်စိုက်ပျိုးထားမှုအခြေအနေများအား ကွင်းဆင်းကြည့်ရှုခဲ့ကြောင်း သိရသည်။