29 Jul,2025

ငပုတော ဇူလိုင် ၂၈

        ဧရာဝတီတိုင်းဒေသကြီး ငပုတောမြို့နယ် ကျေးလက်လမ်းဖွံ့ဖြိုးရေးဦးစီးဌာန၏ ၂၀၂၅-၂၀၂၆ ဘဏ္ဍာနှစ် ပြည်ထောင်စု(ပြင်ဆင်ထိန်းသိမ်းခြင်း)ရန်ပုံငွေဖြင့် ဆောင်ရွက်သော လုပ်ငန်းများကို ယမန်နေ့ နံနက်ပိုင်းက တာဝန်ရှိသူများ ကွင်းဆင်းစစ်ဆေးသည်။

      ထိုသို့စစ်ဆေးရာတွင် ငပုတောမြို့နယ်ရှိ ရေတွင်းကုန်း-ဘုရားလှတံတားပြုပြင်ခြင်းလုပ်ငန်း တည်ဆောက်ပြီးစီးမှုကို ပုသိမ်ခရိုင် ကျေးလက်လမ်းဖွံ့ဖြိုးရေးဦးစီးဌာန လက်ထောက်ညွှန်ကြားရေးမှူး(မြို့ပြ) ဦးကျော်သူမင်းနှင့် တာဝန်ရှိသူများက ကြည့်ရှုစစ်ဆေးပြီး မြို့နယ်တာဝန်ခံ ဒေါ်ချိုဇင်သန်းက လုပ်ငန်းဆောင်ရွက်ထားရှိမှု အခြေအနေများနှင့် ပတ်သက်၍ ရှင်းလင်းတင်ပြကာ တံတားရေရှည်ကြံ့ခိုင်စေရေးနှင့် ခွင့်ပြုတန်ချိန်နှင့်အညီ ဖြတ်သန်းသွားလာနိုင်ရေးတို့အတွက် လမ်းညွှန်မှာကြားခဲ့ကြောင်း သိရသည်။

မြို့နယ်(ပြန်/ဆက်)