29 Jul,2025

ပြည် ဇူလိုင် ၂၅

            ပဲခူးတိုင်းဒေသကြီး ပြည်ခရိုင် ကျေးလက်လမ်းဖွံ့ဖြိုးရေးဦးစီးဌာန လက်ထောက်ညွှန်ကြားရေးမှူး ဦးဝဏ္ဏသည် ဇူလိုင်လ ၂၄ ရက် နံနက်ပိုင်းတွင် ပြည်မြို့နယ် ကျေးလက်လမ်းဖွံ့ဖြိုးရေးဦးစီးဌာန ဦးစီးမှူးနှင့်အတူ တီတွဒ်-သောကြမ္မာလမ်း ကွန်ကရစ်လမ်းခင်းခြင်းလုပ်ငန်းဆောင်ရွက်နေမှုကို ကွင်းဆင်းကြည့်ရှုစစ်ဆေးသည်။

           တီတွဒ်-သောကြမ္မာလမ်းသည် အရှည် ၁ ဒသမ ၅ ဖာလုံရှိပြီး ကွန်ကရစ်ခင်းခြင်းလုပ်ငန်းကို ပြည်ထောင်စု(ငွေလုံးငွေရင်း) ခွင့်ပြုရန်ပုံငွေကျပ် ၁၀၅ သန်းဖြင့် ပြည်မြို့နယ်ကျေးလက်လမ်းဖွံ့ဖြိုးရေးဦးစီးဌာနမှ တာဝန်ယူဆောင်ရွက်ခြင်းဖြစ်ကြောင်း၊ ကွန်ကရစ်လမ်းခင်းခြင်းလုပ်ငန်း ဆောင်ရွက်ပြီးစီးပါက လူဦးရေ ၈၃၅ ဦး တို့အား အကျိုးပြုမည်ဖြစ်သည့်အပြင် သမိုင်းဝင်သော ကြမ္မာဘုရားသို့လာရောက်ဖူးမြော်သော ဘုရားဖူးပြည်သူများမှာလည်း အဆင်ပြေချောမွေ့စွာလာရောက် ဖူးမြော်နိုင် မည်ဖြစ်ကြောင်း သိရသည်။

(၄၀၁)၊ တင်စိုး(ပဲခူး)