13 Aug,2025

မိုးညို သြဂုတ် ၁၃

ပဲခူးတိုင်းဒေသကြီး၊ သာယာဝတီခရိုင်၊ မိုးညိုမြို့နယ် သမဝါယမလုပ်ငန်းများ ဖွံ့ဖြိုး တိုးတက်ရေးအတွက် မြို့နယ်သမဝါယမဦးစီးဌာနမှ ဦးစီးမှူး ဒေါ်ခင်ထူးမြင့်နှင့် အဖွဲ့သည် ညောင်ဝိုင်းကျေးရွာအုပ်စုအတွင်းရှိ "တက်လမ်း" စိုက်ပျိုးရေးနှင့် အထွေထွေလုပ်ငန်းသမဝါယမ အသင်းလီမိတက်မှ ဦးဝင်းမြင့်၏ အောင်နိုင်တိုးစပါးမျိုးဖြင့် မိုးစပါးစိုက်ပျိုးထားရှိမှုအား ကွင်းဆင်းကြည့်ရှုခဲ့သည်။

အဆိုပါ အောင်နိုင်တိုးစပါးမျိုးသည် အသက်ရက် ၁၂၀ ခန့်ရှိခြင်း၊ အနှံပါပင်ပွား - ၁၄၊ အရှည်(စင်တီမီတာ)- ၂၆ ဒသမ ၄၀၊ တစ်နှံပါသီးလုံး - ၁၈၀နှင့် တစ်နှံပါအောင်စေ့ - ၁၆၃ ရှိပြီး အောင်စေ့ရာခိုင်နူန်းမှာ(၉၀)ဖြစ်ကြောင်း၊ စပါးလုံးအုပ်စုမှာ ဧည့်မထအမျိုးအစားတွင် ပါဝင် ကြောင်း၊ ထူးခြားကောင်းမွန်သည့်လက္ခဏာများမှာ အသက်လျင်ခြင်း၊ အထွက်ကောင်းခြင်း၊ စားသုံးမှုကောင်းမွန်ခြင်း၊ ဆန်သားကြည်လင်ခြင်း၊ ဂုတ်ကျိုးရောဂါနှင့် ဖြုတ်ညိုပိုးဒဏ် အသင့်အတင့်ခံနိုင်ရည်ရှိခြင်းတို့အပြင် ဆည်ရေသောက်၊ မိုးရေသောက်ဒေသများတွင် စိုက်ပျိုး နိုင်ပြီး နွေရာသီ၊ မိုးရာသီနှင့် ရာသီအားလုံးတွင် စိုက်ပျိုးနိုင်ကြောင်း သိရသည်။

ကိုမင်း (ပြန်/ဆက်)

ပဲခူးတိုင်းဒေသကြီး