19 Aug,2025

မုဒုံ ဩဂုတ် ၁၉

မွန်ပြည်နယ်၊ မုဒုံမြို့နယ်၊ ကော့ပရံကျေးရွာရှိ ကော့ပရံစိုက်ပျိုးထုတ်လုပ်ရေးသမဝါယမ အသင်းမှ အသင်းသားတောင်သူများ၏ လယ်မြေများတွင် မိုးစပါးစိုက်ပျိုးထားမှုအား ပြည်နယ် သမဝါယမဦးစီးဌာနမှ ဒုတိယညွှန်ကြားရေးမှူးနှင့်အတူ ကွင်းဆင်းအဖွဲ့က မိုးစပါးစိုက်ခင်းများသို့ ကွင်းဆင်းကြည့်ရှုခဲ့ပြီး အသင်းအမှုဆောင်များ၊ အသင်းသားတောင်သူများနှင့်တွေဆုံခဲ့သည်။

ထို့နောက် တာဝန်ရှိသူများက အသင်းသားတောင်သူများ မိုးစပါးစိုက်ပျိုးမှုနှင့် ပတ်သက် ၍ ပန်းတိုင်အထွက်နှုန်းရရှိပြီး တောင်သူများဝင်ငွေတိုးပွားရေး၊ စိုက်ခင်းများကို ပိုးမွှားရောဂါမကျ ရောက်စေရေး၊ မြေဩဇာများ အချိန်ကာလအလိုက် စနစ်တကျထည့်သွင်းနိုင်ရေးနှင့် စိုက်ပျိုးစဉ် ကာလအတွင်း လိုအပ်ချက်များအား ဦးစီးဌာနသို့ အချိန်မီတင်ပြနိုင်ရေး ပေါင်းစပ်ညှိနှိုင်း ဆောင်ရွက် ပေးခဲ့ကြောင်း သိရသည်။