28 Aug,2025

ကျောက်တံခါး ဩဂုတ် ၂၇

            သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်)မှ အင်ဂျင်နီယာချုပ် ဦးထွန်းဝေသည် ဩဂုတ်လ ၂၆ ရက် နံနက်ပိုင်းတွင် ပဲခူးတိုင်းဒေသကြီး ဒုတိယညွှန်ကြားရေးမှူး(မြို့ပြ)၊ တာဝန်ရှိသူများနှင့်အတူ ညောင်လေးပင်ခရိုင်အတွင်းရှိ ကျေးလက်လမ်း/တံတား လုပ်ငန်းများ၏ အခြေအနေအား ကွင်းဆင်းစစ်ဆေးသည်။

             ရှေးဦးစွာ သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်)မှ အင်ဂျင်နီယာချုပ် ဦးထွန်းဝေနှင့်အဖွဲ့သည် ကျောက်တံခါးမြို့နယ်အတွင်း၌ ၂၀၂၅-၂၀၂၆ဘဏ္ဍာနှစ် တိုင်းဒေသကြီး ငွေလုံးငွေရင်းခွင့်ပြုရန်ပုံငွေဖြင့် ဆောင်ရွက်သည့် တောကျွဲအင်း-တူမောင်လမ်းပေါ်ရှိ ကွန်ကရစ်တံတား ဆောက်လုပ်ပြီးစီးမှုအခြေအနေနှင့် သီရိပွင့်စံကုမ္ပဏီမှ တာဝန်ယူဆောင်ရွက်သော ဂဝံရောမြေခင်းခြင်း လုပ်ငန်းဆောင်ရွက်နေမှုကို ကွင်းဆင်းကြည့်ရှုစစ်ဆေးသည်။

             အဆိုပါ လမ်းခင်းခြင်းလုပ်ငန်းဆောင်ရွက်နေမှုကို သွားရောက်ကြည့်ရှုစစ်ဆေးစဉ် အင်ဂျင်နီယာချုပ် ဦးထွန်းဝေက ချဉ်းကပ်လမ်းများဆောင်ရွက်ရာတွင် သိပ်သည်းမှုရှိအောင် ဆောင်ရွက်ရန်နှင့် လုပ်ငန်း တင်ဒါစနစ်ဖြင့် ဆောင်ရွက်မည့်လမ်းလုပ်ငန်းများအား သတ်မှတ်ဘဏ္ဍာရေးနှစ်အတွင်း အချိန်မီပြီးစီးရေး တွန်းအားပေးဆောင်ရွက်ရန် တာဝန်ရှိသူများအပေါ် အကြံပြုမှာကြားကြောင်း သိရသည်။

(၄ဝ၁)၊ တင်စိုး(ပဲခူး)