28 Aug,2025

ဇေယျာသီရိမြို့နယ် ရွှေကျကျေးရွာ၌ မြစိမ်းရောင်စီမံကိန်းရန်ပုံငွေထုတ်ချေး

*****************************************************************

နေပြည်တော် ဩဂုတ် ၂၈
ပြည်ထောင်စုနယ်မြေ နေပြည်တော်၊ ဇေယျာသီရိခရိုင်၊ ဇေယျာသီရိမြို့နယ်ကျေးလက် ဒေသဖွံ့ဖြိုးတိုးတက်ရေးဦးစီးဌာနက ရေဆင်းကျေးရွာအုပ်စု၊ ရွှေကျကျေးရွာရှိကျေးလက်နေ ပြည်သူများ အလုပ်အကိုင်အခွင့်အလမ်းနှင့် မိသားစုဝင်ငွေတိုးပွားလာစေရန်၊တိုးပွားလာသော ရန်ပုံငွေဖြင့် ကျေးရွာတွင်းဖွံ့ဖြိုးရေးလုပ်ငန်းများအကောင်အထည်ဖော်ဆောင်ရွက်နိုင်စေရန် ရည်ရွယ်၍မြစိမ်းရောင်ကျေးရွာစီမံကိန်းအရင်းမပျောက်လည်ပတ်ရန်ပုံငွေ စတုတ္ထအကြိမ်ထုတ်ချေးခြင်းကို ဩဂုတ် ၂၇ရက် နံနက်ပိုင်းက အဆိုပါကျေးရွာခန်းမ၌ ကျင်းပပြုလုပ်သည်။ရှေးဦးစွာ ဇေယျာသီရိမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမြို့နယ်ဦးစီးမှူး ဦးမျိုးဇော်က စီမံကိန်း၏ ရည်ရွယ်ချက်၊ အကျိုးကျေးဇူးများ၊လက်စွဲစာစောင်ပါ သတ်မှတ်စည်းမျဉ်း စည်းကမ်းများ၊ ချေးငွေထုတ်ချေးရာတွင်လိုက်နာရမည့် စည်းကမ်းသတ်မှတ်ချက်များကို ရှင်းလင်း ပြောကြားပြီးမြစိမ်းရောင်ကျေးရွာစီမံကိန်းလုပ်ငန်းအဖွဲ့ဝင်များထံ ရန်ပုံငွေကျပ် ၄၀ ဒသမ ၄သန်းလွှဲပြောင်းပေးအပ်သည်။ထို့နောက် ဇေယျာသီရိမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန၏အနီးကပ် ကြီးကြပ်မှုဖြင့် မြစိမ်းရောင်ကျေးရွာစီမံကိန်းလုပ်ငန်းအဖွဲ့ဝင်များက
ရွှေကျကျေးရွာရှိ စိုက်ပျိုးရေး လုပ်ကိုင်သူ ၂၃ဦးကို ငွေကျပ် ၁၁ ဒသမ ၆သန်း၊မွေးမြူရေးလုပ်ကိုင်သူ ၈၆ဦးကို ငွေကျပ် ၂၀ ဒသမ ၂သန်း၊အရောင်းအဝယ်လုပ်ငန်းလုပ်ကိုင်သူ ၁၄ဦးကို ငွေကျပ် ၄ ဒသမ ၆သန်း၊ အသက်မွေးဝမ်း
ကျောင်းလုပ်ငန်းလုပ်ကိုင်သူ ၁၂ဦးကို ငွေကျပ် ၄သန်း၊ စုစုပေါင်း အသင်းသား၊ အသင်းသူ၁၃၅ဦးကို မြစိမ်းရောင်ကျေးရွာစီမံကိန်းအရင်းမပျောက်လည်ပတ်ရန်ပုံငွေကျပ် ၄၀ ဒသမ
၄သန်း ထုတ်ချေး ပေးခဲ့ကြောင်း သိရသည်။

နော်လူး