28 Aug,2025

တောင်ငူ ဩဂုတ် ၂၇

            သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်) နေပြည်တော်မှ အင်ဂျင်နီယာချုပ် ဦးထွန်းဝေသည် တာဝန်ရှိသူများနှင့် အတူ တောင်ငူခရိုင်သဘာဝဘေးအတွင်း ပျက်စီးဆုံးရှုံးသွားသော လမ်းတံတားများကို ယမန်နေ့က ကွင်းဆင်းကြည့်ရှုစစ်ဆေးသည်။

            ထိုသို့ စစ်ဆေးရာတွင် ဇွန် ၁၉ ရက်ညက မိုးသည်းထန်စွာ ရွာသွန်းခဲ့ပြီး ခပေါင်းချောင်း ရေကြီးမှုဖြစ်စဉ်ကြောင့် ဘန့်ဘွေးပင်- မွေရိုးလမ်းရေတိုက်စား၍ လမ်းတာပြတ်ထွက်မှုကို ယာယီပြင်ဆင် ဆောင်ရွက်ထားရှိမှု၊ ရွာပုကုန်း-ကြို့ကုန်းလမ်းပေါ်ရှိ ကျေးရွာက ကိုယ်ထူကိုယ်ထ ဆောင်ရွက်ထားသော တံတား ရေတိုက်စား၍ တံတားတစ်ခြမ်း နိမ့်ကျပျက်စီးခဲ့ခြင်းနှင့် လမ်းခရီးပြတ်တောက်မှုမရှိစေရေး ယာယီ ပြင်ဆင်ဆောင်ရွက်ထားရှိမှုအခြေအနေကို ကြည့်ရှုစစ်ဆေးသည်။

            အဆိုပါတံတားကို ၂၀၂၆-၂၀၂၇ ဘဏ္ဍာနှစ်တွင် သံကူကွန်ကရစ်တံတား ပေ(၃၀ x၂၀) တည်ဆောက်ရန် လျာထားဆောင်ရွက်မည်ဖြစ်ကြောင်း တာဝန်ရှိသူများက ရှင်းလင်းတင်ပြခဲ့ကြောင်း သိရသည်။

ဇော်ကိုကို(တောင်ငူ)