03 Sep,2025

အင်္ဂပူ စက်တင်ဘာ ၃

ဧရာဝတီတိုင်းဒေသကြီးသမဝါယမဦးစီးဌာန တိုင်းဒေသကြီးဦးစီးမှူး ဦးကျော်စိုးမင်းနှင့် တာဝန်ရှိသူများသည် အင်္ဂပူမြိုနယ်အတွင်းရှိ မြေပဲစိုက်သမဝါယမအသင်းသား တောင်သူများ ဆောင်းမြေပဲစိုက်ပျိုးမှုနှင့် မြေပြုပြင်မှုအခြေအနေများအား ကွင်းဆင်းကြည့်ရှုအားပေးခဲ့သည်။

ရှေ့ဦးစွာ တိုင်းဒေသကြီးသမဝါယမဦးစီးဌာန တိုင်းဒေသကြီးဦးစီးမှူး ဦးကျော်စိုးမင်းသည် အုတ်ရှစ်ကုန်းကျေးရွာအုပ်စု ဘုန်းကြီးကျောင်းတွင် မြေပဲစိုက်တောင်သူများနှင့်တွေ့ဆုံပြီး သမဝါယမ အသင်းသစ်များ တိုးချဲ့ဖွဲ့စည်းရေး၊ ၂၀၂၅-၂၀၂၆ခုနစ်တွင် ဧရာဝတီတိုင်းဒေသကြီးအတွင်း သမဝါယမ မှ မြေပဲကိုသတ်မှတ်လျာထားဧက (၇)သောင်းကျော် စိုက်ပျိုးနိုင်ရေး၊ တောင်သူ လိုအပ်ချက် မျိုး မြေပဲသွင်းအားစုများ ဖြည့်ဆည်းပံ့ပိုးနိုင်ရေးအတွက် ယခုလိုကွင်းဆင်း‌ခြင်းဖြစ်ကြောင်း ပြောကြား ခဲ့ပြီး မြိုနယ်သမဦးစီးမှူး ဒေါ်မို့မို့ခိုင်က သမဝါယမအသင်းများဖွဲ့စည်းထားမှု၊ မိုးစပါးနှင့်‌ ဆောင်းမြေပဲ စိုက်ပျိုးထားမှုနှင့် သွင်းအားစုများ‌ ပေးအပ်နိုင်မှုအခြေအနေများအား ရှင်းလင်းတင်ပြခဲ့သည်။

ထို့‌နောက် တိုင်းဒေသကြီးဦးစီးမှူးနှင့် တာဝန်ရှိသူများသည် ဘုရားငုတ္တိုကျေးရွာအုပ်စု၊ အုပ်ချုပ်ရေးမှူးရုံးတွင် သမဝါယမအသင်းသား တောင်သူများနှင့်တွေ့ဆုံပြီး စိုက်ပျိုးမွေးမြူးရေး လုပ်ငန်းများ ပိုမိုတိုးတက်အောင် ဆောင်ရွက်ကြရန်မှာကြားခဲ့ပြီး တောင်သူများ၏ လိုအပ်ချက်များ အား ပေါင်းစပ်ဆောင်ရွက်ပေးခဲ့ရာ တောင်သူဦး‌မောင်မောင်၏ မြေပဲစိုက်ဧက(၃)ဧကတွင် မြေပဲစိုက်ပျိုးရန် မြေပြုပြင်ထားရှိမှုနှင့်‌ စိုက်ပျိုးထားရှိမှုအ‌ခြေအနေများကို ကြည့်ရှုအား‌ပေးခဲ့ပြီး လိုအပ်သည်များကို ပေါင်းစပ်‌ဆောင်ရွက်ပေးခဲ့သည်။

အဆိုပါ‌ တွေ့ဆုံပွဲသို့ တိုင်းဒေသကြီးသမဝါယမဦးစီးဌာန တိုင်းဒေသကြီးဦးစီးမှူး ဦးကျော်စိုးမင်းနှင့် တာဝန်ရှိသူများ၊ သမဝါယမအသင်းသားတောင်သူများ တက်ရောက်ခဲ့ပြီး ဆောင်းမြေပဲကို သမဝါယမအသင်းသားတောင်သူ(၁၀၉)ဦးမှ မြေပဲစိုက်ဧက(၄၁၀)ဧက စိုက်ပျိုးထားားရှိကြောင်း သိရသည်။​

မန်းကျော်(ပြန်/ဆက်)

ဧရာဝတီတိုင်းဒေသကြီး