Ministry of Cooperatives and Rural Development

ပြည်ထောင်စုသမ္မတမြန်မာနိုင်ငံတော်အစိုးရ
သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန

ဟင်္သာတမြို့နယ် သိမ်ကုန်း ကျေးရွာကုန်ထုတ်လမ်း ဖောက်လုပ် ခြင်းလုပ်ငန်း ဆောင်ရွက်နေမှု ကွင်းဆင်း

18 Dec,2025

ဟင်္သာတမြို့နယ် သိမ်ကုန်း ကျေးရွာကုန်ထုတ်လမ်း ဖောက်လုပ် ခြင်းလုပ်ငန်း ဆောင်ရွက်နေမှု ကွင်းဆင်း

‎

‎ဟင်္သာတ ဒီဇင်ဘာ ၁၈

‎

‎ ဧရာဝတီတိုင်းဒေသကြီး ဟင်္သာတခရိုင် ဟင်္သာတမြို့နယ် ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနမှ စိုက်ပျိုးမွေးမြူရေး လုပ်ငန်းများ၏ ထုတ်ကုန်၊ ထွက်ကုန်များ ဈေးကွက်သို့ အချိန်မီတင်ပို့ရောင်းချနိုင်စေရန် ရည်ရွယ်၍၂၀၂၅-၂၀၂၆ ခု ဘဏ္ဍာရေးနှစ်တွင် ပြည်ထောင်စု(ဖြည့်စွက်)ရန်ပုံငွေဖြင့် ကျုံဖားကျေးရွာအုပ်စု ၊ သိမ်ကုန်း ကျေးရွာ ကုန်ထုတ်လမ်း ဖောက်လုပ်ဆောင်ရွက်နေမှု အခြေအနေများကို ဒီဇင်ဘာလ ၁၇ ရက်နေ့ နံနက်ပိုင်းက တာဝန်ရှိသူများမှ ကွင်းဆင်းစစ်ဆေးခဲ့ကြောင်း သိရှိရသည်။

‎

‎ ထိုသို့ ကွင်းဆင်းစစ်ဆေးရာတွင် ဟင်္သာတမြို့နယ် ကျေးလက်ဒေသ ဖွံ့ဖြိုးတိုးတက်ရေးဦးစီးဌာနမှ မြို့နယ်ဦးစီးမှူး ဒေါ်ဆွေဆွေဝင်း နှင့် မြို့နယ်တာဝန်ခံ အင်ဂျင်နီယာ များက သိမ်ကုန်းကျေးရွာ ကုန်ထုတ်လမ်းဖောက်လုပ်ဆောင်ရွက်နေမှု အခြေ အနေများကို ကြည့်ရှု စစ်ဆေးပြီး မြို့နယ်ဦးစီးမှူး ဒေါ်ဆွေဆွေဝင်း က သတ်မှတ်စံချိန်စံညွှန်းနှင့်အညီ အရည်အသွေးပြည့်မီစေရေး အလေးထား ဆောင်ရွက်သွားရန် မှာကြားခဲ့ပြီး လိုအပ်သည်များ ပေါင်းစပ်ညှိနှိုင်း ဆောင်ရွက်ပေးခဲ့ကြောင်း သိရသည်။

‎

‎ ဟင်္သာတမြို့နယ် သိမ်ကုန်း ကျေးရွာ၌ အရှည် ၃ ဒသမ ၇၉ ဖာလုံ၊ ၊ အကျယ် ၁၆ ပေ၊ အမြင့် ၂ ပေ၊ မြေသားလမ်းဖောက်လုပ်ခြင်း လုပ်ငန်းကို ပြည်ထောင်စု (ဖြည့်စွက်) ခွင့်ပြုရန်ပုံငွေ ၄၄၀ သိန်း ဖြင့် ကျေးလက်ဒေသဖွံ့ဖြိုးတိုးတက်ရေးဦးစီးဌာန မှ ယခု နှစ် နိုဝင်ဘာလ ၂ ရက်နေ့က တာဝန်ယူဆောင်ရွက်လျက်ရှိရာ ယခုအခါ လုပ်ငန်းဆောင်ရွက်မှုမှာ ၄၈ ရာခိုင်နှုန်း ဆောင်ရွက်ပြီးစီးပြီ ဖြစ်ပါကြောင်း ဟင်္သာတမြို့နယ် ကျေးလက်ဒေသ ဖွံ့ဖြိုးတိုးတက်ရေးဦးစီး ဌာနမှ မြို့နယ်ဦးစီးမှူး ဒေါ်ဆွေဆွေဝင်း ထံမှ သိရှိရသည်။

‎

‎ ဇင်မာ