24 Jul,2026

ပဲခူး ဇူလိုင် ၂၄

ပဲခူးတိုင်းဒေသကြီးအတွင်း မြို့နယ် နှစ်မြို့နယ်၊ သမဝါယမအသင်း ၂၂ သင်း၊ အသင်း သားတောင်သူ ၁၀၃၃ ဦးမှ မိုးနှောင်းဝါ ၄၅၄၄ ဧက စိုက်ပျိုးရန်လျာထားပြီး ၃၇၁၃ ဧက စိုက်ပျိုးပြီးစီးပြီးဖြစ်ကြောင်းနှင့် စနစ်ကျသော စိုက်ပျိုးရေး ဖြစ်စေရန် စိုက်ပျိုးရာတွင် မျိုး၊ မြေ၊ ရေ၊ နည်း များဖြင့် အထွက်ကောင်း မျိုးကောင်းမျိုးသန့်များရွေးချယ်စိုက်ပျိုးရေး၊ စိုက်နည်း စနစ်မှန်ကန်ရေး၊ သဘာဝမြေသြဇာနှင့် ဓာတ်မြေသြဇာများ အချိုးကျရောနှော အသုံးပြုရေး တို့ကို တောင်သူများ လက်တွေ့သိရှိလိုက်နာဆောင်ရွက်ပြီး စိုက်ပျိုးချိန်အမီ တောင်သူများ လက်ဝယ်အရောက် Raka–666 (BT) မျိုးကောင်းမျိုးသန့်နှင့် သွင်းအားစုများရရှိအောင် ဖြန့်ဖြူးဆောင်ရွက်ပေးခဲ့ကြောင်း သိရသည်။

သမဝါယမဦးစီးဌာန