28 Jul,2026

ကျောက်ဆည်မြို့နယ်ရှိ ကျေးရွာ ၄ ရွာ၌ ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်း(VDP)ဖြင့် ကျေးရွာဖွံ့ဖြိုးရေးလုပ်ငန်းများဆောင်ရွက်မည်

‎************************************************************************

‎ကျောက်ဆည်         ဇူလိုင်       ၂၈

‎‎သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနက ၂၀၂၆-၂၀၂၇ ဘဏ္ဍာရေးနှစ်တွင် ကျေးရွာ ၄ ရွာ၌ ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်း (VDP)ဖြင့် ကျေးရွာဖွံ့ဖြိုးရေးလုပ်ငန်း များ အကောင်အထည်ဖော်ဆောင်ရွက်သွားမည်ဖြစ်ကြောင်း သိရသည်။

‎‎ကျောက်ဆည်မြို့နယ်အတွင်းရှိ ရဲဘော်လေးကျေးရွာ၊ ရဲကြီးကျေးရွာ၊ ရေကြည်ကျေးရွာနှင့် ဒါန်းကျေးရွာတို့၌ ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်း(VDP)ဖြင့် ကျေးရွာဖွံ့ဖြိုးရေးလုပ်ငန်း များ ဆောင်ရွက်ရန်အတွက် မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ဇူလိုင်လ ဒုတိယ ပတ်အတွင်းက စီမံကိန်းမိတ်ဆက်ရှင်းလင်းခြင်းနှင့် ကော်မတီဖွဲ့စည်းခြင်းလုပ်ငန်းများအား သက်ဆိုင်ရာကျေးရွာများသို့ ကွင်းဆင်းဆောင်ရွက်ပြီးဖြစ်ကြောင်း သိရသည်။

‎စီမံကိန်းမိတ်ဆက်ရှင်းလင်းခြင်းနှင့် ကော်မတီဖွဲ့စည်းခြင်း ဆောင်ရွက်ရာတွင် စီမံကိန်း၏ ရည်ရွယ် ချက်၊ ဆောင်ရွက်မည့် လုပ်ငန်းစဉ်များ၊ စီမံကိန်းမှ ရရှိမည့် အကျိုးကျေးဇူးများနှင့် ကျေးရွာပြည်သူများ ၏ ပူးပေါင်းပါဝင်ဆောင်ရွက်ရမည့် အခန်းကဏ္ဍများ၊ စီမံကိန်းလက်စွဲပါလမ်းညွှန်ချက်များ၊ ကျေးရွာ ဖွံ့ဖြိုးရေးကော်မတီ၏ တာဝန်နှင့် ဝတ္တရားများကို ရှင်းလင်းဆွေးနွေးခဲ့ပြီး ကျေးရွာပြည်သူများ၏ သဘောတူညီမှုဖြင့် ကျေးရွာတစ်ရွာလျှင် ကော်မတီဝင် (၇)ဦးစီကို ရွေးချယ်ဖွဲ့စည်းခဲ့သည်။

‎‎အဆိုပါ VDP စီမံကိန်းအရ ကျေးရွာသူ ကျေးရွာသားများကိုယ်တိုင် ရွေးချယ်ထားသည့် ကျေးရွာတွင်းလမ်းကွန်ကရစ်ခင်းခြင်းလုပ်ငန်းများကို ကျေးရွာပြည်သူများ ကိုယ်တိုင်ပါဝင်အကောင် အထည်ဖော် ဆောင်ရွက်သွားမည်ဖြစ်ပြီး ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ နည်းပညာ ပိုင်းဆိုင်ရာ အနီးကပ်ကြီးကြပ်ကူညီပံ့ပိုးပေးသွားမည်ဖြစ်ကြောင်း ကျောက်ဆည်မြို့နယ် ကျေးလက် ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဒေါ်မြတ်ဆုအောင်ထံမှ သိရသည်။