30 Jul,2026

ကျောက်တံခါး  ဇူလိုင် ၃၀

ပဲခူးတိုင်းဒေသကြီး၊ ညောင်လေးပင်ခရိုင်၊ ကျောက်တံခါးမြို့နယ်၌ သမဝါယမအသင်းသား တောင်သူများအား အိန္ဒိယနိုင်ငံအကူအညီဖြင့် ၂၀၂၆-၂၀၂၇ ဘဏ္ဏာနှစ်အတွင်း ဆောင်ရွက်မည့် မြန်ဆန်စွာအကျိုးဖြစ်ထွန်းစေမည့်စီမံချက် (Quick Impact Project – QIP) စီမံကိန်းအရ TBL-9 မတ်ပဲမျိုးစေ့များထောက်ပံ့ပေးအပ်ပွဲကို မြို့နယ်သမဝါယမအသင်းစုခန်းမ၌ ကျင်းပပြုလုပ်ခဲ့သည်။ 

အဆိုပါထောက်ပံ့ပေးအပ်ပွဲတွင် မြို့နယ်စိုက်ပျိုးရေး၊ မွေးမြူရေးကြီးကြပ်မှုကော်မတီ ဥက္ကဋ္ဌ ဦးညွန့်ဆွေက အဖွင့်အမှာစကား ပြောကြားခဲ့ပြီး မြို့နယ်သမဝါယမဦးစီးဌာနမှ ဦးစီးအရာရှိ ဒေါ်ဆွေဇင်မောင်က အိန္ဒိယနိုင်ငံမှ TBL-9 မတ်ပဲမျိုးစေ့များ ထောက်ပံ့ပေးအပ်ရခြင်း ရည်ရွယ်ချက်များကို ရှင်းလင်းပြောကြားကာ မြို့နယ်စိုက်ပျိုးရေး၊ မွေးမြူရေးကြီးကြပ်မှုကော်မတီ၊ မြို့နယ်ကျေးလက်လမ်းဦးစီးဌာနနှင့်တာဝန်ရှိသူများက မြို့နယ်အတွင်းရှိ သမဝါယမအသင်း(၃) သင်း မှအသင်းသား ၇၂ ဦး၏ မတ်ပဲစိုက်ဧက ၂၁၇ ဧကအတွက် TBL-9 မတ်ပဲမျိုးစေ့ ၈၇၀ အိတ်အား အသင်း သားတောင်သူများထံ ထောက်ပံ့ပေးအပ်ခဲ့ကြောင်းသိရသည်။

မြို့နယ်(ပြန်/ဆက်)

ပဲခူးတိုင်းဒေသကြီး