02 Aug,2026

ဒဂုံမြောက် ဩဂုတ် ၂

 ရန်ကုန်တိုင်းဒေသကြီး ဒဂုံမြို့သစ်(မြောက်ပိုင်း)မြို့နယ် မြို့ဦးရောင်း‌ဝယ်‌ရေးသမဝါယမ အသင်းလီမိတက်၏ အရပ်ရပ်ဆိုင်ရာအစည်းအဝေးနှင့် အမှုဆောင်သစ်ရွေးချယ်ခြင်းအခမ်းအနားကို မြို့နယ်သမဝါယမဦးစီးဌာန အစည်းအဝေးခန်းမ၌ ကျင်းပခဲ့သည်။

 အစည်းအဝေးတွင် မြို့ဦးရောင်း‌ဝယ်‌ရေးသမဝါယမအသင်းဥက္ကဋ္ဌ ဦးအေးသောင်းနှင့် မြို့နယ် သမဝါယမဦးစီးဌာန ဦးစီးအရာရှိတို့က အမှာစကားပြောကြားသည်။

 ဆက်လက်၍ အသင်းအမှုဆောင်များမှ ဒါရိုက်တာအဖွဲ့ အစီရင်ခံစာနှင့် ဘဏ္ဍာရေးရှင်းတမ်း တို့ကို ဖတ်ကြားတင်ပြခဲ့ပြီး အသင်းသားများအား အကျိုးဝေစုနှင့် လက်ဆောင်ပစ္စည်းများ ပေးအပ် ခဲ့သည်။ ဆက်လက်၍ အစည်းအဝေး ဒုတိယပိုင်းအစီအစဉ်အရ အမှုဆောင်သစ်များ ပြန်လည် ရွေးချယ်ခဲ့ကြောင်း သိရသည်။

မြင့်မြင့်ရီ

ရန်ကုန်တိုင်းဒေသကြီး