06 Aug,2026

‎မြိတ်မြို့နယ် စန္ဒဝတ်ကျေးရွာ၌ စီမံကိန်းမိတ်ဆက်ရှင်လင်းခြင်းနှင့်ကော်မတီဖွဲ့စည်း

‎************************************************************************

‎မြိတ်       ဩဂုတ်      ၆

‎‎သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ တနင်္သာရီတိုင်းဒေသကြီး၊ မြိတ်ခရိုင် ၊ မြိတ်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနက စန္ဒဝတ်ကျေးရွာ၌ ခေတ်မီစံပြကျေးရွာထူထောင်ရေး စီမံကိန်း(Smart Village)နှင့် မြစိမ်းရောင်ကျေးရွာစီမံကိန်း မိတ်ဆက်ရှင်လင်းခြင်းနှင့် ကော်မတီဖွဲ့စည်း ခြင်းအခမ်းအနားကို ယနေ့ နံနက်ပိုင်းက အဆိုပါကျေးရွာဘု‌န်းတော်ကြီးကျောင်း၌ ကျင်းပပြုလုပ်ခဲ့ ကြောင်း သိရသည်။

‎‎အခမ်းအနားတွင် မြိတ်ခရိုင် ကျေးလက်ဒေသဖွံ့ဖြိုးတိုးတက်ရေးဦးစီးဌာန ခရိုင်ဦးစီးမှူး ဒေါ်တင်တင်စိုး က ခေတ်မီစံပြကျေးရွာထူထောင်ရေးစီမံကိန်း(Smart Village)နှင့် မြစိမ်းရောင်ကျေးရွာစီမံကိန်း၏ ရည်ရွယ်ချက်များ၊ အကျိုးကျေးဇူးများ၊ စီမံကိန်းတခုချင်းအလိုက် ဆောင်ရွက်မည့် လုပ်ငန်းစဉ်များကို ရှင်းလင်းပြောကြားပြီး မြိတ်မြို့နယ်ဦးစီးမှူး ဒေါ်ခင်အေးက စီမံကိန်းလက်စွဲစာစောင်ပါ ကော်မတီဖွဲ့စည်း ရာတွင် လိုက်နာရန်အချက်များကို ရှင်းလင်းပြောကြားသည်။

‎‎ထို့နောက် ခရိုင်ဦးစီးမှူးနှင့် တာဝန်ရှိသူများက ကျေးရွာသူ ကျေးရွာသားများ၏ အများသဘောဆန္ဒအရ မဲစနစ်ဖြင့် ကျေးရွာစီမံကိန်းကော်မတီဝင် ၇ ဦးကို ရွေးချယ်ဖွဲ့စည်းခဲ့ကြောင်း သိရသည်။

‎‎အဆိုပါကျေးရွာ၌ ခေတ်မီစံပြကျေးရွာထူထောင်ရေးစီမံကိန်း(Smart Village)နှင့် မြစိမ်းရောင်ကျေးရွာ စီမံကိန်းကို ၂၀၂၆-၂၀၂၇ ဘဏ္ဍာရေးနှစ်မှစတင်၍ အကောင်အထည်ဖော်ဆောင်ရွက်သွားမည် ဖြစ်ကြောင်း၊ အဆိုပါစီမံကိန်းများ ဆောင်ရွက်ခြင်းကြောင့် ကျေးရွာ၏ အခြေခံအဆောက်အအုံများနှင့် စီးပွားရေး၊ ပညာရေး၊ ကျန်းမားရေး၊ လူမှုရေးကဏ္ဍအသီးသီး ဖွံ့ဖြိုးတိုးတက်လာပြီး လူနေမှု အဆင့်အတန်းများမြင့်မားကာ လူမှုစီးပွားဘဝဖွံ့ဖြိုးတိုးတက်လာမည်ဖြစ်ကြောင်း မြိတ်မြို့နယ် ကျေးလက်ဒေသဖွံ့ဖြိုး တိုးတက်ရေးဦးစီးဌာနမှ သိရသည်။

‎