06 Aug,2026

ထားဝယ်ခရိုင်ရုံး၌ ဝန်ထမ်းစွမ်းဆောင်ရည်မြှင့်တင်ရေး Photoshhop သင်တန်းဖွင့်လှစ်

‎************************************************************************

‎ထားဝယ်       ဩဂုတ်        ၆

‎‎သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၊ တနင်္သာရီတိုင်းဒေသကြီး၊ ထားဝယ်ခရိုင် ကျေးလက် ဒေသဖွံ့ဖြိုးတိုးတက်ရေးဦးစီးဌာနက နိုင်ငံ့ဝန်ထမ်းများ လုပ်ငန်းစွမ်းဆောင်ရည်များ မြင့်မားတိုးတက် လာစေရန်နှင့် ပြည်သူအကျိုးပြုလုပ်ငန်းများ ဆောင်ရွက်ရာတွင် အထောက်အကူပြုနိုင်ရန်အတွက် ဝန်ထမ်းစွမ်းဆောင်ရည်မြှင့်တင်ရေး Photoshhop သင်တန်းကို ထားဝယ်ခရိုင်ဦးစီးဌာနရုံး အစည်းအဝေးခန်းမ၌ ဖွင့်လှစ်သင်ကြားလျက်ရှိသည်။

‎‎အဆိုပါသင်တန်းတွင် Photoshop နည်းပညာဆိုင်ရာ သင်ခန်းစာများကို ဩဂုတ်လ ၃ ရက်နေ့မှ ၃၁ ရက်နေ့ထိ သင်တန်းကာလ ၂၉ ရက်ကြာ ကျွမ်းကျင်နည်းပြဆရာများက လက်တွေ့အသုံးချနိုင် သည်အထိ စာတွေ့လက်တွေ့  သင်ကြားပို့ချသွားမည်ဖြစ်ပြီး ထားဝယ်ခရိုင်အတွင်းရှိ ထားဝယ်မြို့နယ်၊ သရက်ချောင်းမြို့နယ်၊ ရေဖြူမြို့နယ်နှင့် လောင်းလုံးမြို့နယ်တို့မှ သင်တန်းသူ သင်တန်းသား ၁၅ ဦး တက်ရောက်သင်ယူလျက်ရှိကြောင်း ထားဝယ်ခရိုင် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ သိရသည်။