07 Aug,2026

လဲချား ဩဂုတ် ၆

              ရှမ်းပြည်နယ်(တောင်ပိုင်း) ကျေးလက်လမ်းဖွံ့ဖြိုးရေးဦးစီးဌာန ပြည်နယ် ညွှန်ကြားရေးမှူး(မြို့ပြ) ဦးမင်းဆွေ၊ လွိုင်လင်ခရိုင်ကျေးလက်လမ်း ဖွံ့ဖြိုးရေးဦးစီးဌာန လက်ထောက်ညွှန်ကြားရေးမှူး(မြို့ပြ) ဦးဇော်သက်နိုင်တို့သည် ဩဂုတ် ၅ ရက်က လဲချားမြို့ ပုံတိုက်ကျေးရွာအုပ်စုတွင် ၂၀၂၆-၂၀၂၇ ဘဏ္ဍာနှစ် ကျေးလက်လမ်းဖွံ့ဖြိုးရေးဦးစီးဌာန၏ ပြည်ထောင်စုရန်ပုံငွေဖြင့် ဆောင်ရွက်လျက်ရှိသည့် လဲချား-ဆီကုန်း- ဝမ်ဝေါင်-နားမန်း-ဟတ်လိလမ်း (၁/၂.၇၅) မိုင်ကို သုံးလက်မအောက်ခွဲကျောက် အသုံးပြု၍ အခြေခံလွှာကျောက်ခင်းခြင်း ဆောင်ရွက်နေမှုကို ကြည့်ရှုစစ်ဆေးပြီး လိုအပ်သည်များ မှာကြားခဲ့သည်။

              အဆိုပါလမ်းဆောင်ရွက်ပြီးစီးသွားပါက ကျေးရွာပေါင်း ၁၂ ရွာ၊ အိမ်ခြေ ၂၅၅၃ အိမ်နှင့် လူဦးရေ ၁၄၅၅၃ ဦးအတွက် အကျိုးပြုနိုင်မည့် လမ်းဖြစ်ကြောင်း သိရသည်။

မြို့နယ်(ပြန်/ဆက်)