11 Aug,2026

မုဒုံ သြဂုတ် ၁၁

မွန်ပြည်နယ် မုဒုံမြို့နယ် မြတ်ပညာငွေစုငွေချေး သမဝါယမအသင်းလီမိတတ်မှ ၂၀၂၅-၂၀၂၆ ပညာသင်နှစ် တက္ကသိုလ်ဝင်တန်းအောင် အသင်းသားများ၏ သား၊သမီးများအား ပညာသင် ထောက်ပံ့ကြေးချီးမြှင့်ပွဲ အခမ်းအနားကို အဆိုပါအသင်းရုံး၌ ကျင်းပသည်။

အခမ်းအနားတွင် အသင်းဥက္ကဋ္ဌ ဦးမင်းသောင်းဟန်က အဖွင့်အမှာစကားပြောကြားပြီး အသင်း အတွင်းရေးမှူးက ပညာသင်ထောက်ပံ့ကြေးဆိုင်ရာများကို ရှင်းလင်းပြောကြားသည်။ ထို့နောက် ၂၀၂၅ - ၂၀၂၆ ပညာသင်နှစ် တက္ကသိုလ်ဝင်စာမေးပွဲတွင် ထူးချွန်စွာအောင်မြင်ခဲ့ကြသည့် ၅ ဘာသာ တစ်ဦး၊ ၄ ဘာသာ တစ်ဦး၊ ၃ ဘာသာ တစ်ဦး၊၂ ဘာသာတစ်ဦး၊ ၁ ဘာသာ သုံးဦး၊ ရိုးရိုးအောင်မြင်သူ (၁၃) ဦးဖြစ်ပြီး စုစုပေါင်း (၂၀) ဦးတို့ကို ဂုဏ်ပြုမှတ်တမ်းနှင့် ပညာသင် ထောက်ပံ့ကြေးအား မုဒုံမြို့နယ် သမဝါယမဦးစီးဌာနမှ ဦးစီးအရာရှိနှင့် တာဝန်ရှိသူများက ပေးအပ်ခဲ့ကြောင်း သိရသည်။

ရာမည(ပြန်/ဆက်)

မွန်ပြည်နယ်