07 Sep,2026

လှည်းကူး စက်တင်ဘာ ၇

သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ရန်ကုန်တိုင်းဒေသကြီး၊ လှည်းကူးခရိုင်၊ လှည်းကူးမြို့နယ်၊ သမဝါယမဦးစီးဌာနတွင် သမဝါယမကဏ္ဍမှ ဆောင်ရွက်နေသည့် နိုင်ငံ့စီးပွား မြှင့်တင်ရေး စီမံကိန်းများ၊ လူမှုစီးပွားမြှင့်တင်ရေး(သက်တန့်ရောင်)စီမံကိန်းနှင့် သမဝါယမစနစ်ကို အခြေခံ၍ စုပေါင်းဆောင်ရွက်သည့် စနစ်ကျသောစိုက်ပျိုးရေးစနစ်နှင့်ပတ်သက်၍ စီမံကိန်းလုပ်ငန်းစဉ် များအား ရှင်းလင်းခြင်းအခမ်းအနားကို ကျင်းပပြုလုပ်ခဲ့သည်။

ဦးစွာ အမျိုးသားလွှတ်တော်ကိုယ်စားလှယ် ဦးခင်​မောင်တင့် တိုင်းဒေသကြီးလွှတ်တော် ကိုယ်စားလှယ် ဦး​အောင်မျိူးနိုင်နှင့် လှည်းကူးခရိုင် အ​​ထွေ​ထွေအုပ်ချုပ်​ရေးဦးစီးဌာနမှ ဒုတိယခရိုင် အုပ်ချုပ်​ရေးမှူး ဦးတင်ထွန်း​အောင်က အမှာစကား​အသီးသီးပြောကြားကာ ရန်ကုန်တိုင်း​ဒေသကြီး သမဝါယမဦးစီးဌာန၊ တိုင်း​ဒေသကြီးဦးစီးမှူး ဒေါ်ဥမ္မာမြင့်က သမဝါယမကဏ္ဍမှ ဆောင်ရွက်နေသည့် စီမံကိန်းလုပ်ငန်းစဉ်များအား ရှင်းလင်းပြောကြားခဲ့သည်။

အဆိုပါ စီမံကိန်းလုပ်ငန်းစဉ်များ ရှင်းလင်းဆွေးနွေးပွဲကို အမျိုးသားလွှတ်တော် ကိုယ်စားလှယ် ဦးခင်​မောင်တင့်၊ တိုင်းဒေသကြီးလွှတ်တော်ကိုယ်စားလှယ် ဦး​အောင်မျိုးနိုင်၊ ဌာနဆိုင်ရာအကြီးအကဲ များ၊ အခြေခံသမဝါယမအသင်း ၇ သင်းမှ အမှုဆောင်များနှင့် အသင်းသား တောင်သူ ၇၅ ဦး တက်ရောက်ခဲ့ကြောင်း သိရသည်။

အိရွှေစင်လတ် (ပြန်/ဆက်)

ရန်ကုန်တိုင်းဒေသကြီး