08 Sep,2026

မိုင်းယောင်း စက်တင်ဘာ ၈

ရှမ်းပြည်နယ်(အရှေ့ပိုင်း) မိုင်းယောင်းခရိုင် မိုင်းယောင်းမြို့နယ် ဝန်ထမ်းပေါင်းစုံငွေစုငွေချေး သမဝါယမအသင်းလီမိတက်၏ ၂၀၂၅-၂၀၂၆ ဘဏ္ဍာရေးနှစ် နှစ်ပတ်လည်အရပ်ရပ်ဆိုင်ရာအစည်းအဝေးနှင့် အမှုဆောင်သစ်ရွေးချယ်ပွဲကို ယမန်နေ့က မြို့နယ်သမဝါယမဦးစီးဌာန အစည်းအဝေးခန်းမ၌ ကျင်းပ သည်။

အခမ်းအနားတွင် အသင်းဥက္ကဋ္ဌ ဦးစိုင်းအောင်ဇော်လင်းက သဘာပတိအဖြစ်ဆောင်ရွက်ပြီး အသင်းအုပ်ချုပ်မှုဒါရိုက်တာ ဦးသက်ဘုန်းဝေက အစီရင်ခံစာနှင့်ဘဏ္ဍာရေးရှင်းတမ်းများ ဖတ်ကြား ရှင်းလင်းသည်။ 

ထို့နောက် တက္ကသိုလ်ဝင်တန်းစာမေးပွဲအောင်မြင်သည့် အသင်းသူ/အသင်းသားတို့၏ သား/သမီး များအား ဂုဏ်ပြုဆုများပေးအပ်၍ ဒါရိုက်တာအဖွဲ့ဝင် ခုနစ်ဦးနှင့် အသင်းစာရင်းစစ်နှစ်ဦးတို့အား ပြန်လည်ရွေးချယ်ပြီး အသင်းသားများအား အစုအပေါ်အမြတ်များ ထုတ်ပေးခဲ့ကြောင်း သိရသည်။

ဝေဝေခိုင်(ပြန်/ဆက်)

ရှမ်းပြည်နယ်