14 Sep,2026

ဝါးခယ်မမြို့နယ်၌ သီးနှံပေါ်ပေးစနစ်ဖြင့် ဓာတ်မြေဩဇာများဖြန့်ဖြူးရောင်းချ

‎************************************************************************

‎ဝါးခယ်မ       စက်တင်ဘာ        ၁၄

‎‎သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၊ ဧရာဝတီတိုင်းဒေသကြီး၊ မြောင်းမြခရိုင်၊ ဝါးခယ်မ မြို့နယ် ကျေးလက်ဒေသဖွံ့ဖြိုးရေးတိုးတက်ရေးဦးစီးဌာနက ဝါးခယ်မမြို့နယ်အတွင်းရှိ မိုးစပါးစိုက်ပျိုး မည့် တောင်သူများအတွက် ဓာတ်မြေသြဇာများကို သီးနှံပေါ်ပေးစနစ်ဖြင့် ဖြန့်ဖြူးရောင်းချပေး  လျက်ရှိကြောင်း သိရသည်။

‎‎ဝါးခယ်မမြို့နယ် ကျေးလက်ဒေသဖွံ့ဖြိုးရေးတိုးတက်ရေးဦးစီးဌာန မြို့နယ်ဦးစီးမှူး ဦးတင်ထွန်းအောင် နှင့် တာဝန်ရှိသူများသည် ဝါးခယ်မမြို့နယ်အတွင်းရှိ ကျေးရွာများမှ နိုင်ငံ့စီးပွား မြှင့်တင်ရေး ရန်ပုံငွေစီမံကိန်းနှင့် အကျုံးမဝင်သည့် တောင်သူများအား စိုက်ပျိုးရေးလုပ်ငန်းများတွင် ပန်းတိုင် အထွက်နှုန်းပြည့်မီစေရေးအတွက် အရည်အသွေးပြည့်မီသော ဓာတ်မြေဩဇာများအား သက်သာသော ဈေးနှုန်းဖြင့် တိုက်ရိုက်ဖြန့်ဖြူးရောင်းချပေးလျက်ရှိကြောင်း သိရသည်။

‎‎‌ဝါးခယ်မမြို့နယ် ကျေးလက်ဒေသဖွံ့ဖြိုးရေးတိုးတက်ရေးဦးစီးဌာနက မြို့နယ်ဓာတ်မြေဩဇာ ဖြန့်ဖြူးရေးကော်မတီဝင်များနှင့် ပေါင်းစပ်ညှိနှိုင်းပြီး ဝါးမယ်မမြို့နယ်အတွင်းရှိ ကျေးရွာ ၂၂ ရွာမှ တောင်သူများအတွက် ဓာတ်မြေဩဇာများကို စျေးနှုန်းချိုသာစွာဖြင့် စိုက်ပျိုးချိန်အမီ ဝယ်ယူအသုံးပြု နိုင်ရေးအတွက် ဩဂုတ်လ ၁၁ ရက်နေ့မှစ၍ ယူရီးယားဓာတ်​မြေသြဇာ အိတ် ၂၀၀ နှင့် ကွန်ပေါင်းဓာတ်မြေဩဇာ ၄၅၀ အိတ်အား သီးနှံပေါ်ပေးစနစ်ဖြင့် တိုက်ရိုက်ဖြန့်ဖြူးရောင်းချ ပေးလျက်ရှိကြောက်း ဝါးခယ်မမြို့နယ်ဦးစီးမှူး ဦးတင်ထွန်းအောင် ထံမှ သိရသည်။