Ministry of Cooperatives and Rural Development

ပြည်ထောင်စုသမ္မတမြန်မာနိုင်ငံတော်အစိုးရ
သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန

ပန်းတောင်းမြို့နယ် ခုံကြီးကျေးရွာတွင် မြစိမ်းရောင်ကျေးရွာစီမံကိန်းရန်ပုံငွေ ပထမအကြိမ် ထုတ်ချေး

15 Sep,2026

ပန်းတောင်းမြို့နယ် ခုံကြီးကျေးရွာတွင် မြစိမ်းရောင်ကျေးရွာစီမံကိန်းရန်ပုံငွေ ပထမအကြိမ် ထုတ်ချေး

ပန်းတောင်း စက်တင်ဘာ ၁၅

သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန ပဲခူးတိုင်းဒေသကြီး၊ ပြည်ခရိုင်၊ ပန်းတောင်းမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနက ၂၀၂၆-၂၀၂၇ ခု၊ဘဏ္ဍာရေးနှစ် ခေတ်မီစံပြကျေးရွာစီမံကိန်းဖြစ်သည့် လဲကျေးရွာအုပ်စု၊ ခုံကြီးကျေးရွာတွင် မြစိမ်းရောင်ကျေးရွာစီမံကိန်းအရင်းမပျောက်လည်ပတ်ရန်ပုံ‌ငွေ ပထမအကြိမ်ထုတ်ချေးပေးခြင်းအား စက်တင်ဘာလ ၁၄ ရက်နေ့ နံနက်ပိုင်းက အဆိုပါကျေးရွာ၌ ကျင်းပခဲ့သည်။

ရှေးဦးစွာ ပြည်ခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာန ခရိုင်ဦးစီးမှူး ဒေါ်ခိုင်ရွှေဝါ က မြစိမ်းရောင်ကျေးရွာစီမံကိန်း အကောင်အထည်ဖော်ရခြင်း၏ ရည်ရွယ်ချက်၊ လုပ်ငန်းစဥ်များအကြောင်း၊ ကျေးလက်ဒေသဖွံ့ဖြိုးတိုးတက်ရေးဥပဒေပါ အကြောင်းအရာများ၊ ချေးငွေဖြင့် အလုပ်အကိုင်အခွင့်အလမ်းနှင့် မိသားစုဝင်ငွေတိုးလုပ်ငန်းများဆောင်ရွက်လာမှုကြောင့် ဆင်းရဲမှုလျော့ချရေးလုပ်ငန်းစဥ်အတွက် အထောက်အကူပြုပုံတို့ကို အကျယ်တဝင့် ရှင်းလင်းဆွေးနွေး ပြောကြားခဲ့ပြီး

ကျေးရွာစီမံကိန်းလုပ်ငန်းအဖွဲ့ဝင်များက ခုံကြီးကျေးရွာတွင် အသေးစားစက်မှုလက်မှုလုပ်ငန်း (၂)ဦး၊ စိုက်ပျိုးရေးလုပ်ငန်း(၂၄)ဦး၊မွေးမြူရေးလုပ်ငန်း(၄)ဦး၊အရောင်းအဝယ်(၁၂)ဦး၊အသက်‌မွေးဝမ်းကျောင်း (၆)ဦးဖြင့် စုစု‌ပေါင်းအသင်းသူ/သား (၄၈ )ဦးအတွက် ချေးငွေကျပ် ၂၉၄ သိန်းအား ထုတ်ချေးပေးခဲ့ပါကြောင်း ပန်းတောင်းမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဒေါ်မေနှင်းဦး ထံက သိရသည်။