15 Sep,2026

ရန်ကုန်၊ စက်တင်ဘာ ၁၄

            သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ရန်ကုန်တိုင်းဒေသကြီးအသေးစားစက်မှု လက်မှုလုပ်ငန်းဦးစီးဌာနမှ အသေးစားကုန်ထုတ်လုပ်ငန်းများဖန်တီးပေးနိုင်ရေးနှင့် ကျေးလက်နေ မိသားစုဝင်ငွေတိုးရေးစီမံကိန်းဖြင့် ကိုယ်ပိုင်လုပ်ငန်းထူထောင်မည့်သူများအား လုပ်ငန်းသုံး ပစ္စည်းများ ပေးအပ်ပွဲအခမ်းအနားကို ရန်ကုန်တိုင်းဒေသကြီးအစိုးရအဖွဲ့ မင်္ဂလာခန်းမ၌ ယနေ့ နံနက်ပိုင်းက ကျင်းပသည်။

            အခမ်းအနားသို့ ရန်ကုန်တိုင်းဒေသကြီးအစိုးရအဖွဲ့ဝန်ကြီးချုပ် ဦး‌အောင်နိုင်သူ၊ အစိုးရအဖွဲ့ဝင် ဝန်ကြီးများ၊ သက်ဆိုင်ရာ ဌာနများမှတာဝန်ရှိသူများ၊ စီမံကိန်းကော်မတီအဖွဲ့ဝင်များနှင့် သင်တန်းသား၊ သင်တန်းသူများတို့တက်ရောက်ခဲ့ကြပါသည်။ 

            အခမ်းအနားတွင် ရန်ကုန်တိုင်းဒေသကြီး အစိုးရအဖွဲ့ ဝန်ကြီးချုပ်ဦးအောင်နိုင်သူမှ အဖွင့်အမှာစကား ပြောကြားပြီး ဝန်ကြီးချုပ်နှင့် တိုင်းဒေသကြီး အစိုးရအဖွဲ့ဝင်ဝန်ကြီးများက လုပ်ငန်းသုံးပစ္စည်းများ ပေးအပ်ခဲ့ကြောင်းသတင်းရရှိပါသည်။

            ထို့နောက် ဝန်ကြီးချုပ်နှင့်အဖွဲ့ဝင်များက ဒေသဖွံ့ဖြိုးရေးလုပ်ငန်းသုံးပစ္စည်းများ ခင်းကျင်း ပြသထားမှုများကို လှည့်လည်ကြည့်ရှုအားပေးကြပြီး ကိုယ်ပိုင်လုပ်ငန်းထူထောင်မည့်သူများအား လိုအပ်သည်များကို ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရှိရပါသည်။