21 Sep,2026

ရန်ကုန် စက်တင်ဘာ ၁၉

        သမဝါယမနှင့် ကျေးလက်ဖွံ့ဖြိုး ရေးဝန်ကြီးဌာန သန်လျင်မြို့နယ် ကျေးလက်လမ်းဖွံ့ဖြိုးရေးဦးစီးဌာနက ၂၀၂၆-၂၀၂၇ ဘဏ္ဍာနှစ် ပြည်ထောင်စု (ငွေလုံးငွေရင်း) ရန်ပုံငွေဖြင့် ဆောင်ရွက်သည့် ငါးပြေမကျေးရွာအဝင်လမ်းပေါ်ရှိ တံတားတည်ဆောက်ခြင်းလုပ်ငန်းကို စက်တင်ဘာ ၁၉ ရက် က ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်) ဒုတိယညွှန်ကြားရေးမှူးချုပ် ဒေါက်တာထွန်းမြင့်အောင်၊ ရန်ကုန်တိုင်းဒေသကြီး ညွှန်ကြားရေးမှူး(မြို့ပြ)၊ သန်လျင်ခရိုင် လက်ထောက်ညွှန်ကြားရေးမှူး၊ သန်လျင်မြို့နယ်ဦးစီးမှူး နှင့် အရည်အသွေးစစ်ဆေးရေး တာဝန်ရှိသူများ ပါဝင်သော အဖွဲ့က ကွင်းဆင်းကြည့်ရှုစစ်ဆေးသည်။

      ယင်းသို့ ကြည့်ရှုစစ်ဆေးရာတွင် ဆောင်ရွက်လျက်ရှိသော တံတားလုပ်ငန်းကို သတ်မှတ်ထားသောဒီဇိုင်း၊ စံချိန်စံညွှန်းနှင့်အညီ အရည်အသွေးပြည့်မီစွာ အချိန်မီပြီးစီးရေး အလေးထား ကြီးကြပ် ဆောင်ရွက်သွားရန် ဆွေးနွေးမှာကြားခဲ့ကြောင်း သိရသည်။

သန်းဝင်း(သန်လျင်)