22 Sep,2026

ပင်လောင်း စက်တင်ဘာ ၂၂

ရှမ်းပြည်နယ်တောင်ပိုင်း ပအိုဝ်းကိုယ်ပိုင်အုပ်ချုပ်ခွင့်ရဒေသ ပင်လောင်းမြို့နယ် မြို့နယ်သမဝါယမ အသင်းစုလီမိတက်၏ ၂၀၂၅-၂၀၂၆ ဘဏ္ဍာရေးနှစ် အရပ်ရပ်ဆိုင်ရာအစည်းအဝေးကို ယမန်နေ့က ပြန်ကြားရေးနှင့်ပြည်သူ့ဆက်ဆံရေးဦးစီးဌာန လူထုအခြေပြုဗဟိုဌာနခန်းမ၌ ပြုလုပ်သည်။

အစည်းအဝေးတွင် သဘာပတိ မြို့နယ်သမဝါယမအသင်းစုလီမိတက်ဥက္ကဋ္ဌ ဦးစိုင်းနော်ခမ်း၊ ရှမ်းပြည်နယ်တောင်ပိုင်း/အရှေ့ပိုင်း သမဝါယမအသင်းစုလီမိတက် ဒုတိယဥက္ကဋ္ဌ ဦးဖေသိန်းတို့က အဖွင့်အမှာစကားပြောကြားကြပြီး၊ သမဝါယဦးစီးဌာန ဒုတိယဦးစီးမှူး ဦးဝေယံ‌ထွေးက သမဝါယမလုပ်ငန်း ဆိုင်ရာများနှင့်ပတ်သက်၍ ရှင်းလင်းပြောကြားသည်။ 

ဆက်လက်၍ မြို့နယ်သမဝါယမအသင်းစုလီမိတက်မှ အသင်းစုဒါရိုက်တာ ဦးစိုင်းမြင့်ဦးက လုပ်ငန်းအစီရင်ခံစာနှင့် ရှေ့လုပ်ငန်းစဉ်များကိုလည်းကောင်း၊  အသင်းစုဒါရိုက်တာအတွင်းရေးမှူး ဦးညွန့်မောင်က အသင်းစု၏ ၂၀၂၅-၂၀၂၆ ဘဏ္ဍာရေးနှစ် နှစ်ချုပ်ဘဏ္ဍာရေးရှင်းတမ်းနှင့် အမြတ်ခွဲ ဝေမှုစာရင်းများကိုလည်းကောင်း၊ အသင်းစုစာရင်းစစ် ဦးချစ်သိန်းက အသင်းသားစာရင်းစစ် အစီရင်ခံစာ များကိုလည်းကောင်း အသီးသီးဖတ်ကြားရှင်းလင်းပြီး အသင်းစည်းကမ်းပြင်ဆင်ခြင်းနှင့်ပတ်သက်၍ ဘဘာပတိက အသင်းသားများ၏ သဘောဆန္ဒများကို အတည်ပြုချက်ရယူဆောင်ရွက်ခဲ့ကြောင်း သိရသည်။

မြို့နယ် ပြန်/ဆက်

ရှမ်းပြည်နယ်