17 Mar,2023

မိုင်းယောင်း၊ မတ် ၁၇

ရှမ်းပြည်နယ်(အရှေ့ပိုင်း)၊ မိုင်းယောင်းမြို့နယ်ရှိ နန့်ယွန်းကျေးရွာတွင် တော်ဝင်မိုင်းယောင်း အထွေထွေစီးပွားရေးလုပ်ငန်းသမဝါယမအသင်းလီမိတက်ပိုင် တန် ၃၀ ဆန်စက်ကို ၂၀၂၂ ခုနှစ်၊ ဩဂုတ်လ ၂၁ ရက်နေ့တွင် စတင်တည်ထောင်ခဲ့ပြီး အသင်းပိုင်ဆန်စက်လုပ်ငန်းအတွက် လိုအပ် သောစပါးများအား လွယ်ကူစွာ ဝယ်ယူရရှိနိုင်စေရန်နှင့် ဒေသတွင်း ဆန်ဖူလုံစေရန်အတွက်  စပါး စိုက်တောင်သူများအား စုစည်း၍ သမဝါယမအသင်း ၉ သင်းကို ဖွဲ့စည်းခဲ့ပြီး တောင်သူများနှင့် ချိတ်ဆက်၍ စပါးဝယ်ယူကြိတ်ခွဲဆောင်ရွက်လျက်ရှိသည်။

အသင်းအနေဖြင့် ဒေသခံတောင်သူများထံမှ ဒေသထွက်စပါးမှော်ဘီ - ၃ နှင့် ကောက်ညှင်း စပါးများ ဝယ်ယူ၍ အသင်းပိုင်ဆန်စက်တွင် တစ်ရက်လျှင် တန် ၃၀ အိတ် ၁၀၀၀ ကြိတ်ခွဲနိုင်ပြီး ဆန်လုံးချောများကို ကီလိုဂရမ်ဖြင့် အသင်းသားများနှင့် စားသုံးသူများထံသို့ လက်လီ/လက်ကား ဖြန့်ဖြူးရောင်းချပေးလျက်ရှိကြောင်း သိရသည်။