31 Mar,2023

ရန်ကုန်၊ မတ် ၃၁

ရန်ကုန်တိုင်းဒေသကြီးသမဝါယမဦးစီးဌာနသည် မကွေးတိုင်းဒေသကြီးသမဝါယမအသင်းစုချုပ် နှင့်ချိတ်ဆက်၍ ဆိပ်ဖြူမြို့နယ်မှ ထွက်ရှိသော ကြက်သွန်နီများနှင့် ရှမ်းပြည်နယ်သမဝါယမအသင်း စုချုပ်နှင့် ချိတ်ဆက်၍ ရှမ်းပြည်နယ်ဒေသထွက် ကြက်သွန်ဖြူ၊ အာလူးများအား သမဝါယမစနစ် (စုပေါင်းစနစ်)ဖြင့် ဝယ်ယူပြီး ရန်ကုန်တိုင်းဒေသကြီးအတွင်း သမဝါယမအသင်းများရှိ အသင်းသား များလက်ဝယ်အရောက် ပြင်ပပေါက်ဈေးထက် သက်သာသောဈေးနှုန်းဖြင့် ကြက်သွန်နီပိဿာချိန် ၁၅၀၀၀ ၊ ကြက်သွန်ဖြူပိဿာချိန် ၁၂၀၀ နှင့် အာလူးပိဿာချိန် ၁၀၀၀ ကျော်တို့အား ဖြန့်ဖြူး ရောင်းချပေးခဲ့ကြောင်း သိရသည်။