17 May,2023

ဒလမြို့နယ်တွင် မော်တော်ဆိုင်ကယ်ပြင်သင်တန်း ဖွင့်လှစ်

 

ရန်ကုန်တိုင်းဒေသကြီး တွံတေးခရိုင် ဒလမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မှ ကျေးလက်နေပြည်သူများ အသက်မွေးဝမ်းကျောင်းအထောက်အကူပြု ဆိုင်ကယ်ပြင်သင်တန်း ဖွင့်ပွဲအခမ်းအနားကို မေ ၁၅ ရက် နံနက် ၁၀ နာရီက ဒလမြို့နယ် သပြေကုန်းကျေးရွာ အုပ်ချုပ်ရေးမှူးရုံး၌ ကျင်းပသည်။

      သင်တန်းဖွင့်ပွဲတွင် ဒလမြို့နယ်စီမံအုပ်ချုပ်ရေးအဖွဲ့ အဖွဲ့ဝင်−၂ ဦးရွှေလှိုင်က အဖွင့်အမှာ စကားပြောကြားပြီး ဒလမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဒေါ်ဝါဝါထွန်းက ဒလမြို့နယ်အတွင်း ကျေးလက်ဒေသဖွံ့ဖြိုးရေးလုပ်ငန်းများ ဆောင်ရွက်နေမှုနှင့် ကျေးလက်နေပြည်သူများ အလုပ်အကိုင်အခွင့်အလမ်းများရရှိစေရေး အသက်မွေးဝမ်းကျောင်း အထောက်အကူပြုသင်တန်းများ ဖွင့်လှစ်ပေးနေမှုတို့အား ရှင်းလင်းပြောကြားသည်။

      အဆိုပါသင်တန်းသို့ ကျေးရွာများမှ သင်တန်းသား ၂၀ တက်ရောက်ကြပြီး မော်တော်ဆိုင်ကယ် ပြုပြင်နည်းလမ်းများအား နှစ်ပတ်ကြာ စာတွေ့၊လက်တွေ့ သင်ကြားပို့ချသွားမည်ဖြစ်ကြောင်း သိရ သည်။