14 Jun,2023

ပြင်ဦးလွင်၊ ဇွန် ၁၄

မန္တလေးတိုင်းဒေသကြီး၊ ပြင်ဦးလွင်မြို့နယ် မေရှိုးမန်းသယ်ယူပို့ဆောင်ရေးသမဝါယမ အသင်းလီမိတက်၏ ၂၀၂၂-၂၀၂၃ ဘဏ္ဍာရေးနှစ် နှစ်ပတ်လည်အရပ်ရပ်ဆိုင်ရာအစည်းအဝေးနှင့် ပညာသင်စရိတ်ထောက်ပံ့ပေးအပ်ခြင်းကို မြို့နယ်သမဝါယမဦးစီးဌာန အစည်းအဝေးခန်းမ၌ ကျင်းပခဲ့သည်။ အဆိုပါအစည်းအဝေးသို့  မြို့နယ်သမဝါယမဦးစီးဌာန ဦးစီးအရာရှိ ဒေါ်ခင်မိုးကြည်၊ ပြင်ဦးလွင်ခရိုင် ပို့/ဆက်ဦးစီးဌာနမှ ခရိုင်ဦးစီးမှူးဦးဇော်နိုင်ဦး၊ အသင်းဥက္ကဋ္ဌနှင့် အမှုဆောင် ဒါရိုက်တာအဖွဲ့ဝင်များ၊ အသင်းသား အသင်းသူများ တက်ရောက်ခဲ့ကြသည်။

အစည်းအဝေးတွင် တက်ရောက်လာသော အသင်းသား အသင်းသူများအား အစုပေါ် အမြတ်ငွေကျပ် ၈၆ သိန်း၊ ယာဉ်မှူးဝန်ထမ်းလုပ်အားချီးမြှင့်ငွေကျပ် ၁၄.၆ သိန်းနှင့် ပညာသင် စရိတ်ထောက်ပံ့ငွေကျပ် ၁၆ သိန်း၊ စုစုပေါင်း ငွေကျပ် ၁၁၆.၆ သိန်းအား ပေးအပ်ခဲ့ကြောင်း သိရသည်။