30 Jun,2023

အထက်မင်းလှ ဇွန် ၂၉

      မကွေးတိုင်းဒေသကြီး မင်းလှမြို့နယ် ကျေးလက်လမ်းဖွံ့ဖြိုးရေးဦးစီးဌာနက ကျေးလက်နေပြည်သူများ ပညာရေး၊ ကျန်းမာရေး၊ လမ်းပန်းဆက်သွယ်ရေးဖွံ့ဖြိုးတိုးတက်စေရန် ၂၀၂၃ - ၂၀၂၄ ဘဏ္ဍာနှစ်တွင် ကျေးရွာချင်း ဆက်လမ်းများကို မြေနီလမ်းနှင့် ကျောက်ချောလမ်းခင်းခြင်းများ အဆင့်မြှင့်တင် ဆောင်ရွက်မည်ဖြစ်ကြောင်း သိရသည်။

         အဆိုပါ လုပ်ငန်းများဆောင်ရွက်ရာတွင် ပြည်ထောင်စုရန်ပုံငွေဖြင့် ဆောင်ရွက်မည့် ကဒေါင်းကျင်း - မကျီးကိုင်း -လက်ပံတံခါး ကျေးရွာချင်းဆက်လမ်းအရှည် (၂/၀မိုင်)၊ ကတဲ- ပုသိမ်-မုံရွာလမ်း အရှည် နှစ်မိုင် နှစ်ဖာလုံ၊ အိုင်းမကံ – လည်လျားရှည်လမ်း အရှည် (၂/၀) မိုင်လမ်းတို့ကို လမ်းအကျယ် ၁၈ ပေ၊ ထု ရှစ်လက်မ မြေနီခင်းခြင်း၊ တိုင်းဒေသကြီး ရန်ပုံငွေဖြင့် ပေတောကုန်း - စမ်း(ကံ) - လင်းကယ် - သရက် – မင်းလှလမ်းအရှည် (၃/၁)မိုင်၊ ပရဆိုင် - ကောက်ကလိမ်-ပနီဆုံလမ်းအရှည်(၄/၀)မိုင်တို့ကို လမ်းအကျယ် ၁၈ ပေ၊ ထုရှစ်လက်မ မြေနီခင်းခြင်းနှင့် ဒေါင်းဘုတ်-သရက်-မင်းလှလမ်းအရှည် (၀/၄) မိုင်၊ လမ်းအကျယ် ၁၆ ပေ၊ ထုခြောက်လက်မကျောက်ချော လမ်းခင်းခြင်း လုပ်ငန်းများဆောင်ရွက်မည်ဖြစ်ပြီး ညှင်းသွန်း - ဘွဲ့ - သရက် - မင်းလှ လမ်းပေါ်ရှိ အရှည်ပေ ၁၈၀ ကို မြေထိန်းနံရံ ဆောင်ရွက်ခြင်းလုပ်ငန်းများကို ကျေးလက်လမ်းဖွံ့ဖြိုးရေးဦးစီးဌာနက ဆောင်ရွက်မည်ဖြစ်သည်။

       မင်းလှမြို့နယ်၌ အဆိုပါ ကျေးရွာချင်းဆက်လမ်းများကို အဆင့်မြှင့်တင်ဆောက်ရွက်ပေးခြင်းဖြင့် ကျေးလက်နေ ပြည်သူများ၊ ပညာရေး၊ ကျန်းမာရေး၊ လမ်းပန်းဆက်သွယ်ရေးများ ပိုမိုအဆင်ပြေ ချောမွေ့လာမည် ဖြစ်ပြီး ကျေးလက်နေပြည်သူများအနေဖြင့် လူမှုစီးပွားဖွံ့ဖြိုးတိုးတက်လာမည်ဖြစ်ကြောင်း မြို့နယ်ကျေးလက်လမ်း ဖွံ့ဖြိုးရေးဦးစီးဌာနမှ သိရသည်။

ဇာဇာ(အထက်မင်းလှ)