01 Sep,2023

စလင်း      စက်တင်ဘာ        ၁

မကွေးတိုင်းဒေသကြီး၊ မင်းဘူးခရိုင်၊ စလင်းမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနက ချောင်းကောက်ကျေးရွာ၌ Pipe Culvert တည်ဆောက်ခြင်းလုပ်ငန်းဆောင်ရွက်နေမှုကို တာဝန်ရှိသူများက ယနေ့ နံနက်ပိုင်းက ကွင်းဆင်းစစ်ဆေးခဲ့ကြောင်း သိရသည်။

ထိုသို့ကွင်းဆင်းစစ်ဆေးရာတွင် စလင်းမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးမောင်မောင်သွင် နှင့် အင်ဂျင်နီယာဝန်ထမ်းများသည် ချောင်းကောက်ကျေးရွာလမ်းတံတားဖြစ်မြောက်ရေး ကော်မတီဝင်များနှင့်အတူ ချောင်ကောက်ကျေးရွာကုန်ထုတ်လမ်းပေါ်၌ အကျယ် နှစ်ပေ  အရှည် ၃၀ ပေရှိသော Pipe Culvert တည်ဆောက်ခြင်းလုပ်ငန်းဆောင်ရွက်နေမှုအခြေအနေကို ကြည့်ရှုစစ်ဆေးပြီး မြို့နယ်ဦးစီးမှူးက ကျေးရွာရပ်မိရပ်ဖများနှင့်တွေ့ဆုံ၍ လိုအပ်သည်များ ပေါင်းစပ်ညှိနှိုင်း ဆောင်ရွက်ခဲ့ကြောင်း သိရသည်။

စလင်းမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနက ၂၀၂၃-၂၀၂၄ခု ဘဏ္ဍာရေးနှစ်တွင် သဘာဝဘေးရန်ပုံငွေကျပ် ၂ ဒသမ ၁ သန်းဖြင့် ချောင်းကောက်ကျေးရွာကုန်ထုတ်လမ်းပေါ်၌ Pipe Culvert တည်ဆောက်ခြင်းလုပ်ငန်းကို ကျေးလက်ဒေသဖွံ့ဖြိုးတိုးတက်ရေးဦးစီးဌာနက တာဝန်ယူ၍  ဩဂုတ်လ ၂၈ ရက်နေ့က စတင်ဆောင်ရွက်ခဲ့ရာ ယနေ့တွင် ၅၀ ရာခိုင်နှုန်းခန့်ပြီးစီးနေပြီဖြစ်ပြီး ရာနှုန်းပြည့်ပြီးစီးပါက ချောင်းကောက်ကျေးရွာနှင့် ညောင်အင်းကျေးရွာတို့ရှိ အိမ်ခြေ ၁၉၇၄ အိမ်၊ လူ ၈၁၄၁ ဦးနှင့် လယ်ယာစိုက်ပျိုးရေးဧက ၁၇၀ ဧက ကို အကျိုးပြုမည်ဖြစ်၍ ကျေးလက်နေပြည်သူများ၏ လူမှုစီးပွားဘဝ ဖွံ့ဖြိုးတိုးတက်လာမည်ဖြစ်ကြောင်း စလင်းမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ သိရသည်။