10 Nov,2023

 ပန်းတောင်း နိုဝင်ဘာ ၉

ပဲခူးတိုင်းဒေသကြီး၊ ပြည်ခရိုင်၊ ပန်းတောင်းမြို့နယ်တွင် ၂၀၂၃-၂၀၂၄ ခုနှစ် နိုင်ငံ့စီးပွား မြှင့်တင်ရေးရန်ပုံငွေဖြင့် မိုးစပါးစိုက်ပျိုးရန် ဧက (၄၀၀) သတ်မှတ်ထားပြီး ကျေးရွာ (၁၁) ရွာ အသင်းသား (၁၈၅)ဦးဖြင့် ရာနှုန်းပြည့်စိုက်ပျိုးထားရှိရာ ယမန်နေ့နံနက်ပိုင်းက ဆင်လူးကျေးရွာတွင် သမဝါယမအသင်းမှ စပါးပျိုးထားရှိမှုနှင့် ရိတ်သိမ်းမှုအခြေအနေအား ကွင်းဆင်းကြည့်ရှု​စစ်ဆေးခဲ့ ကြောင်း သိရသည်။

အဆိုပါ ဆင်လူးကျေးရွာတွင် စိုက်ထွေသမဝါယမအသင်းသား (၁၀)ဦးမှ မှော်ဘီစပါးမျိုး (၁၀)ဧကအား နိုင်ငံ့စီးပွားမြှင့်တင်ရေးရန်ပုံငွေဖြင့် သွင်းအားစုပုလဲဓာတ်မြေသြဇာနှင့် (၁၅)ပတ်လည် ကွန်ပေါင်းတို့ကို ထည့်သွင်းအသုံးပြုခဲ့ရာ ယခင်နှစ်စပါး(၁)ဧကလျှင် (၄၅)တင်းထွက်ပြီး ယခုနှစ်တွင် (၁)ဧကလျှင် တင်း (၇၀)ထွက်ရှိကြောင်း သိရသည်။